Danieli 6:3 - Amazwi Yakwe Leza 2013

³ Lyene Danieli zuwazuwa aloleka ukuti angaluta angalizi yauze mu kuomba. Pamulandu wakwe cico, umwene welenginye uku mulasika pa cifulo ca kwangalila uwene wakwe onsi.

Danieli 6:3 Iomraidhean Croise

Ezila 4:22

Lelo mucincile pamulandu uu. Mutaleka uyi utwalilile mu wene wane.”

Neemiya 7:2

Ali lino nasonsile umwinane Hanani kuti angaya akateeka umu Yelusalemu. Nga alino insontela penepo na Hananiya uwakuti angaya akalinda wi cele apamulandu wakuti ali wino naweni wa muntu umwi umufumaluke, uwakwatila Yawe Leza icoopo ukuluta asyala.

Esita 10:3

Modekai Umuyuda wilya wali uwakwe ciili uku mwene Aasuwelo, wiyo wino na antu yakwe Ayuda yatemwisizye nu kucindika wakwe cimwi, pamulandu wakusakamala sana ivingazipila antu yakwe. Wene wacingililanga Ayuda yonsi pyu.

Mapinda 17:27

Akasunga ululimi lwakwe wacenjela wakwe cimwi. Umwiluke akateeka umwenzo.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Kasambilizya 2:13

Iyee, naweni ukuti amano aasuma ukuluta uwelewele, ndi vino uluswepo ulusuma ukuluta imfinzi.

Danieli 5:12

Umuntu wii Danieli, wino umwene waamanga ukuti Belitesyazali, wakweti amano nu umanyililo nga nu kwiluka ukwakuzunguka, nga nu kulondolola iviloto, nu kwilula amapinda nu kumala intazi zikome. Acino tuma akuya aama Danieli nga nawe amaiza akunene muno vii vyonsi viile.”

Danieli 5:14

Nuvwa ukuti umupasi wakwe yaleza amuzilo uli munuli nga nu kuti wemo walamoka, wakwata umanyililo nga na mano akuzunguka.

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Danieli 9:23

Lilya kwene lino watandike ukupepa, Leza wakwaswike. Wene wakutemwa, nga acino natiniza ukukunena uwasuko. Acino ndakai usumbeko amano lino nkukulondolwela icilolwa.