Danieli 6:16 - Amazwi Yakwe Leza 2013

¹⁶ Caleka umwene apeela ilamulo kuti yaleme Danieli nu kumusumbila mu ninga yakwe yacisama. Umwene anena Danieli ati, “Si Leza wako, wino ukatumikila lyonsi, ale akutuule.”

Danieli 6:16 Iomraidhean Croise

2 Samueli 3:39

Nanti angala nene indi mwene umusololwe, umwi lelo pasi vino namacita. Ana yaa aonsi yakwe Zeluya akakasi sana. Yene yatiyampezya amano. Si Yawe ale alandule pali vino antu yaa yatiyacita.”

Yobo 5:19

Wene angakupususya amaila mutanda, ni iila lyakwe cinimbali kutalaya iciipe nanti cimwi icilakuponela.

Mapinda 29:25

Ukoopa antu cili wa citeyo, Lelo ukutaila muli Yawe kukapususya.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Yelemiya 26:14

Indi mu minwe inu, mwemo citini cino mukulonda, cino mwalola ukuti icingalungama nupya ali cisuma.

Yelemiya 38:5

Umwene Zedekiya nawe ati, “Awiyo, ali mu makasa inu. Ne mwene ntakweti nanti cimwi cakumulesya.”

Yelemiya 38:6

Acino nayo ali vino yasenzile Yelemiya, yaya yamusumbila mu cifula cakwe Malikiya, umwana wa mwene. Icifula cayelile mu musolo wakwe yakalinda. Ali muno yamutelemwila ku mwando. Lelo icifula cico mutalimo amanzi. Mwali sile amatipa. Yelemiya ali pakutika mu matipa.

Yelemiya 39:17

Lelo wemo ndakupususya mu wanda ulya, nupya utalapeelwa mu makasa ya antu yano ukaoopa.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Danieli 6:7

Swe aomvi swensi kwene, angalizi, alasi, angalizi ya alasi, ni ntunguluzi zyuze, twatituzumilizyanya ukuti we musambazi upele ilamulo nu kukonkomezya ukuti umuntu ali wensi wino alapepa kuli leza ali wensi nanti ku muntu umu manda amakumi yatatu akwiza, umu cifulo ca kupepa kunuli, we mwene, wene alasumbilwa mu ninga yakwe yacisama.

Milimo 24:27

Pacisila ca myaka iili, Polokia Fesito atoola cifulo ca ulasi wakwe Felikisi. Lelo pano Felikisi walondanga kutasiwa na Ayuda, asya Paulo mu ng'anda yaminyololo.

Milimo 25:11

Ndi cakuti nati mvuna isunde nu kucita icintu cimwi icilingine kuti nkomwe, lyene ntanguzya kuti ntakomwa. Lelo ndi cakuti mu milandu ino yakundongwela musi cimwi, lyene kusi umuntu angampeela kunoyali. Lelo nemo nkulenga kuti mulandu uye kuli Kesa.”

Milimo 25:9

Fesito walondanga ukuzanzya Ayuda. Caleka auzya Paulo ati, “Uzye ungatemwa kuti upite ku Yelusalemu akuno inkakupingwile milandu ii yonsi?”

Loma 13:3

Antu akaifya ali yano yakaoopa maka ya uteko. Antu asuma akayela uteko yene yasyaoopa. Uzye ukulonda kuti utaoopa kateeka? Uwacita visuma nawe alakutaizya.

2 Kolinto 1:10

Wene watutuuzile ku mazanzo aipisye a mfwa, Leza alatutuula. Tukweti upaalilo munoli wakuti alatutuula nupya.