Danieli 5:23 - Amazwi Yakwe Leza 2013

²³ Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 5:23 Iomraidhean Croise

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

2 Yamwene 14:10

Ali cino wemo we Amaziya, wewe wacilumba apamulandu wakucimvya kuno wacimvizye aina Edomu. Ale fwandi yame walukuyuvwa vivyo kwene mu kucimvya kwako. Nupya nkukunena wemo uwikala sile ukwako kuko kwene. Uzye pacani cino ungasonsomba ulwete ulwakuti ukailetelele sile, umu kutaila sile umu antu yako aina Yuda?”

Yobo 12:10

Ala umi wa vintu vyonsi ivikafuta waya umu minwe yakwe Leza, ndi vino nu umi wa muntu kwene waya.

Yobo 31:4

Uzye Leza asilola imiyele yane yonsi, nu kumanya wamanya ningo imipitile yane yonsi.

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Masamu 115:16

Yawe sile wenga aliwe ali mweneco wi yulu, insi yene aino wapeela antu.

Masamu 139:3

Ukacevya imiombele yane, ndi cakuti inkuomba nanti inkupuza. Wamanya ivicitwa vyane vyonsi.

Masamu 146:4

Lino yafwa, yene yakaswilila ukwivu, nu wanda kwene uo amapange yao yasililikila.

Mapinda 20:24

Yawe aliwe umila umuntu inzila umwakupita. Uzye lyene umuntu umwi angamanya uli intunga ya umi wakwe?

Ezaya 13:11

Yawe akuti, “Ndakalipila antu aikala mu mpanga ii apa ntumpu zino yakacita, nga na antu aipe apa utalanganyi wao. Ndaputula icilumba cakwe yao akayuvwa, nu kucefya imitumfyo uku antu alukang'ansi.

Ezaya 14:13

We muno welenganyanga uti, “Ndakwela ukwiyulu nu kuteeka icilimba cane ca wene apapela ya ntanda zyakwe Leza. Nupya ndikala apa mwamba wa ukongano, api kasa limani, lwaku ufumondaka ukutali.

Ezaya 2:12

Pano apa wanda sile uo kwene, ali pano we Yawe Wamaka yonsi ulanyata avilumba yonsi, kumwi na amisuula yonsi.

Ezaya 33:10

Yawe wanenyile antu ya mitundu yuze ati, “Lyene nemo namacitapo cimwi! Namamulanga vino nemo naya na maka.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Ezaya 37:23

Uzye aweni wino wemo ukatuka nu kusausya? Uzye aweni wino wemo ukuzaukila nu kumutumbila inkansi? Ala asi muntu muze, lelo anene, Wamuzilo wilya wakwe Izlaeli.

Ezaya 42:5

Yawe, Leza, wiyo uwaumvile amayulu nu kuyavungulula, wiyo uwakonzolwile insi na vyonsi ivyafuma mwenemo, nu kupeela umi kuli yonsi akapita mwenemo. Wene wavwanga wati,

Yelemiya 10:23

“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.

Yelemiya 48:26

Mukolesyini sile akoleke, pano watatalamila Yawe. Lekini Moabu aivumvunye mu malusi yakwe. Lekini asekwe.

Yelemiya 50:28

Imbutusi zino zikupuuka mu mpanga ya Babiloni nu kwiza mu Zioni, azizyo muzyuvwe kuno zikulanda vino Yawe wanenyile aina Babiloni, pali vino yacisile ku Ng'anda ikulu yakwe Leza.

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Ezekelo 28:17

Ukaitakizya mu mwenzo pamulandu wa kuyemba kwako, nu kucindama kwako kwakulenzile kuya wa ciwelewele. Caleka ninkufwanta pansi pa manso yakwe yamwene nga yakambone.

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Ezekelo 28:5

Wemo wali umulamoke mukucita uculuzi nupya watwalilile kukwata umuzano wakwe cimwi, ali cino uli ni cilumba pamulandu wa vyuma vyako.”

Ezekelo 31:10

“Caleka Yawe Simwandalali walanda wati, pamulandu wakuti umuti ulya watalimfile wakwe cimwi iufika mpaka nu mu makumbi, nga na pamulandu wakuti wali ni cilumba ca utali wakweco,

Danieli 11:12

Wene alaya ni cilumba apa kucimvya kwakwe nu kukoma asilika avule, lelo atalatwalilila ukucimvya, awe.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 8:11

Lwaituumike kuti luye wa Mwanangwa wa vita vya mwiyulu, nu kulesya impolelwa zya cila wanda izyapeelwanga kunoli, nga nu konona Ng'anda ikulu yakwe Leza.

Habakuku 2:4

Uu uli usemo: Yakacita ya viipe yalalowa, l lelo yakacita ya visuma yalaya nu umi. Yonsi akacita vyaololoke yalaya nu umi pano yene acumi kuli Leza.

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

1 Kolinto 8:4

Acino lyene nanti angala vyakulya vikapelwa impolelwa ku tuluwi, swemo twamanya vino kutaya nanti kaluwi konga muno mu nsi kano kaya nu umi. Twamanya vino kwaya Leza wenga sile.

1 Timoti 3:6

Wene alinzile kuya umuntu uwalengela mu utailo, pakuti ataitumika aye ni cilumba nu kuvunukwa ndi vino cacitikile Ciwa.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Umbwilo 9:20

Antu yonsi asyala yano atakomilwe ku vilumbelo vii, yatazenzwike ku milimo ya makasa yao. Yene yatatile kupepa mipasi yankota, nanti tuluwi twakwe zaabu, siluva, nanti mukuwa, nanti twa mawe, nanti twa vimuti tuno tutange tulole nanti kuvwa nanti kupita.

Yakapingula 16:23

Lyene intunguluzi zya ina Filisti izikongana kuti zipeele impolelwa ikulu kuli Dagoni leza wao, nga nu kuzevya ziti, “Leza witu watapeela Samusoni umwanisi witu mu makasa itu.”

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.