Danieli 5:20 - Amazwi Yakwe Leza 2013

²⁰ Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Danieli 5:20 Iomraidhean Croise

2 Yamwene 17:14

Nga lelo yatali akuti yuvwe, yali sile wa vikolwe vyao uku utalami, yao atataile muli Yawe Leza wao.

2 Milandu 32:25

Lelo Hezekiya atataizye apa usuma uno yamucitile. Cilumba cakulisye umu mwenzo wakwe. Ali cino ukali wakwe Yawe iupona pali aliwe na pa antu amu Yuda nu mu Yelusalemu kwene.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Kufuma 9:17

Nomba wemo ucili nu munyambo pa antu yane pakukana yata kuti yapite.

Kufuma 9:7

Lino Falao watuma akuya londelezya, yiiza yamunena ukuti kusi inyama nanti yonga ya ina Izlaeli ino yafwile. Lelo Falao akoma umwenzo. Akana kuta antu yapite.

Mapinda 16:18

Icilumba icikakolelela uononesi, ukuitutumula umu mwenzo, ukukakolelela ukuongoloka.

Mapinda 16:5

Yawe wapata umwenzo wacilumba, tutangatwisika palwa kupeziwa kwakwe.

Ezaya 47:1

Yawe wavwanga wati, “We mukazyana atatala wamanya umonsi, we Babiloni, senka apa cilimba cako cawene. Ikala pansi pa luvukutu. We Babiloni ikala pansi, pano antu yatalakwama nupya ukuti wewe mutelepelele nupya umuyembe.

Yelemiya 13:18

Lyene Yawe avwanga kunondi ati, “Nena umwene nga unene na nyina kwene, namwene ukuti yasenke apa vilimba vyao vya wene. Pasi pano ivilongwe vyao vya wene iviyembe vyativipona ku mitwe yao.”

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 48:18

Ika papo apa cilimba cako caucindami, uivwenteke apa citumba, we mukazyana mwana Diboni, we muno watenzi lyonsi umu mutende. Pasi pano lyene umononyi wakwe Moabu wiza ku kulwisya. Wene wataonona na malinga yako.

Ezekelo 30:6

Yawe walanda wati, “Yonsi yano yakwazwilizya aina Eguputo yalakomwa. Ni vita vya cilumba vya ina Eguputo vilononwa. Ukutandikila ku Migidoli ukufika nu ku Aswani antu yakwe yalakomwa ku lupanga. Ivyalanda ne Yawe Simwandalali.

Ezekelo 31:10

“Caleka Yawe Simwandalali walanda wati, pamulandu wakuti umuti ulya watalimfile wakwe cimwi iufika mpaka nu mu makumbi, nga na pamulandu wakuti wali ni cilumba ca utali wakweco,

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 4:26

Umungeli wilya wapile ilamulo lyakuti icisinte ca cimuti yacisye mu musili. Cii calola mukuti nupya kwene wemo ulaya umwene lilyo lino ulazumila ukuti Leza aliwe akateeka insi yonsi.

Danieli 4:28

Vii vyonsi vyacitikile umwene Nebukadineza.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 8:8

Lyene sawe alunduluka kuya ni cilumba, lelo lino wafisizye apapela umusinku wa maka yakwe ulupembe lulu lwavunike. Nga mu ncende ya luko imutumba impembe zini, cila lupembe ala lulozizye mu ntunga ipusane ni zyuze.

Luka 18:14

Yesu avwanga ati, “Namunena nati, kasonkisya waswilile ukwakwe uwakaele pa manso yakwe Leza. Lelo Mufaliseo waswilile ukwakwe na maifyo yakwe. Pano wensi akaikuzya wene alacefiwa, na wino wensi akaicefya wene alakuziwa.”

Ayebulai 3:13

Lelo mwakomelezyanya amanda onsi lino insita iciliko ino mazwi yakwe Leza akati, “Ilelo” yatusoka pakuti kutaya umwi wino, iifyo lingamukomya mwenzo.

1 Samueli 6:6

Uzye pacani cino mukukomya imyenzo inu wakwe vino aina Eguputo na Falao kwene yacisile? Ale lyene mutale mulole, nanti wene wayacuzizye iciipisye, uzye yene yatatile aina Izlaeli kuti yapita?