Danieli 5:2 - Amazwi Yakwe Leza 2013

² Lino yacili yakumwa Belisyazali apeela ilamulo kuti yalete ingako ni ngeso zyakwe zaabu na siluva vino isi Nebukadineza wafumizye umu Ng'anda ikulu yakwe Leza ku Yelusalemu. Umwene watumile kuti yamuletele apakuti aliwe, ni vilolo vyakwe, aci yakwe na aci yakwe apa mbali yangamwelamo.

Danieli 5:2 Iomraidhean Croise

2 Samueli 9:7

Davidi nawe amunena ati, “Utuvwa intete, pano namakucitila uluse pamulandu wakwe so Yonatani. Namakuwezezya impanga yonsi iyali yakwe sokulu Saulo, nupya ulaimulwa api tebulo lyane lyonsi kwene.”

2 Yamwene 24:13

Nebukadineza ali pakusenda ni vyuma vyonsi vyakwe zaabu ivyali umu Ng'anda ikulu yakwe Yawe vino Solomoni umwene waku Izlaeli wapanzile, ni vyali mwi sano kwene. Alino avitwala ku Babiloni.

2 Yamwene 25:15

Musika mukulu uwa vita asenda ni vifutikilo ni mbale muno mwazwilanga uwazi uwa mpolelwa alino na vyonsi ivyapingilwa na zaabu na siluva.

2 Milandu 11:20

Umukaya amanda, Leoboamu watwite na Maaka umwana wakwe Abusalomu. Nawe amuvyalila ana aonsi yani. Amazina yao a Abiya, Atai, Ziza na Syelomiti.

2 Milandu 15:16

Umwene Asa wafumizye Maaka uwali a nyinakulu, pa cifulo cakwe unamwene apamulandu wakuti nakulu wiyo walanga wapanga ulucesi ulwakolana nu mwanaci, luno wene wapepanga apakucindika Asyela, wakwe Leza wikwata. Fwandi Asa walanga wamanya cico, ali pakulutema, aluwisya nu kulukomoola. Aya alocela nu mu Cifoloma ca Kiduloni.

2 Milandu 36:10

Walanga umwaka wasenuka, nawe kwene umwene Nebukadineza amusenda uku Babiloni wa munyepwe. Alunda penepo nu kusenda ivyuma navyuze ivyamu Ng'anda ikulu yakwe Leza, avitwala ukwakwe. Ali pakutoola Zedekiya umwina awino apyanikizya apa cilimba ca wene waku Yuda na Yelusalemu.

2 Milandu 36:18

Nebukadineza umwene waku Babiloni wasenzile ivyuma vyonsi pyu vyamu Ng'anda ikulu yakwe Leza kumwi ni vyuma vya mwene kwene, avitwala uku Babiloni.

Ezila 5:14

Nga ni viya vyonsi vyakwe zaabu na siluva vino Nebukadineza wafumizye mwenemo umu Ng'anda ikulu yakwe Leza umu Yelusalemu, nu kuvitwala uku Babiloni muno walanga yaviika. Lyene umwene Kilusi wavipezile umu makasa ya muntu wino wasonsile ngu mulasi wa Ayuda. Izina lyakwe a Syesyibaza.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 50:35

Caleka Yawe wavwanga wati, “Ulupanga lwa nkondo lukulwisya aina Babiloni! Lwene lukulwisya yayo aikala mu Babiloni kumwi na yano yakayapandako amano.

Yelemiya 52:19

Musika wa vita wilya atoola amabeseni, ivyakupembelapo umoto, imbale zyakusansila amanzi ni vyakutekapo inyali, ivifutikilo ni ngeso navyuze vyonsi ivyapangwa na zaabu na siluva.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Danieli 5:11

Mu wene wako muli umuntu wino akweti umupasi wakwe yaleza amuzilo. Mu manda yakwe so wene wazanyilwe ukuti umulamoke nupya umucenjele nu wa mano wakwe yaleza yaya. We Mwene Nebukadineza, so, wamulasike ukuya umukalamba wa mamanyamano, na yakasapoola, na yao akasambilila vikumile intanda na yao akauzya ku mipasi.

Danieli 5:13

Acino Danieli yamuleta ku mwene, nga umwene amuuzya ati, “Uzye wewe uli Danieli, wenga uwamu azya yano tata, umwene waleta ukufuma ku Yuda?

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Danieli 5:3

Lilyo kwene yamuletela ingako ni ngeso zyakwe zaabu, nga yonsi kwene yamwelamo waini,

Danieli 5:30

Usiku kwene ulya Belisyazali, umwene waku Babiloni, akomwa.

Danieli 5:4

nu kulumbanya tuleza utwapangilwa na zaabu, siluva, umukuwa, ni cela, imiti na mawe.

Mpendwa 7:79

Uwila uno wene walesile wali imbale yonga yakwe siluva iyanyomile kulingana na kilogalamu wenga na citika, ni mbakuli yonga yakwe siluva iyanyomile kulingana na magalamu imyanda cinimbali na makumi cinimbali. Zyonsi ziili acita kulingana ni cipimilo caku Ng'anda ikulu yakwe Leza, zizule usu utonyoleke ningo utikinkanye na mafuta pakuti yangiza yavipeele wa wila wa cakulya.