Danieli 4:36 - Amazwi Yakwe Leza 2013

³⁶ “Lino amano yane yawezile, ali lino nu mucinzi, nu usambazi wane, nga nu lulumbi lwa wene wane vyapilwe nupya kwene kunondi. Yampandamano yane kumwi ni vilolo vyane yanzengile, nga na maka yane autesi yapilwe nupya kunondi nu mucinzi ukalamba kuluta uno napiilwe inkolelo.

Danieli 4:36 Iomraidhean Croise

Yobo 13:12

Amapinda inu ampiti, aciwelewele sile. Yene yakoline ni itwi. Nanta amaasuko inu kwene akuipokolwelako, nayo kwene yakoline ni ivu.

Mapinda 22:4

Ukuicefya nu koopa Yawe kukaleta ukama, ucindami nga nu umi.

Danieli 2:31

“We musambazi, mu cilolwa cako waweni nga inkolelo paimi iciluwi icikulu wakwe cimwi, iciyengese, nupya cakoofya mukuloleka.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.