Danieli 4:34 - Amazwi Yakwe Leza 2013

³⁴ “Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 4:34 Iomraidhean Croise

2 Samueli 22:31

Si lolini vino ivicitwa vyakwe Leza wii vyafumaluka, na vino amazwi yakwe akutailwa! Wene akoline wa cisyangu, kuli yao yonsi akalonda ukucingililwa na aliwe.

1 Milandu 29:10

Davidi alumbanya Yawe apa manso ya antu yonsi akongine. Avwanga ati, “We Yawe Leza wakwe Izlaeli icikolwe citu, si antu yakulumbanye umuyayaya.

1 Milandu 29:13

Acino lyene, we Leza witu, tukukutaizya, nu kulumbanya izina lyako ilyalulumbi.”

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Masamu 10:16

Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Masamu 102:24

We Leza utansenda pali ndakai, ntacili nkote! Wemo wewe wa pee!

Masamu 107:15

Kayale yalukulumbanya Yawe, apa kutemwa kwakwe ukwa pe na pa milimo yakwe iyakuzunguka ino wacitila ana ya antu!

Masamu 107:22

Kayamocela impolelwa yaku muwanzya nu kumwimbila ni nsansa apa kutaka vyonsi vino wacita!

Masamu 107:31

Silekini lyene yataizye Yawe apa kutemwa kwakwe ukwa pe.

Masamu 107:8

Kayale yalumbanya Yawe apa kutemwa kwakwe ukwa pe, nga na pavizungusyo vino akacitila ana ya antu.

Masamu 111:7

Umwene waya uwacumi nupya uwa ulungi muli vyonsi vino akacita. Amasunde yakwe yonsi yaya sile ningo.

Masamu 121:1

Nasanzula amanso yane uku mwamba. Uzye uwazwilizyo wane umafuma kwi?

Masamu 123:1

Nasanzula amanso kunuli, we muno wikala apa cilimba ca wene apapela pela.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 146:10

Yawe aliwe akateeka umuyayaya. A Leza wako, we Zioni, wino alateeka insita zyonsi.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Masamu 66:7

Aliwe akateeka pee na pee uku maka yakwe, aliwe akaceceta antu ya mitundu. Mutaleka fwandi yacisanguka yayuvwa kunoli.

Masamu 7:17

Endi nemo namalumbanyanga Yawe pamulandu wa ulungi wakwe. Namaimbililanga Yawe Wapapelapela, inyimbo zyakumulumbanya.

Masamu 9:2

Namaimbilanga ni nsansa pamulandu wako. Namaimbilila ni zina lyako, we Leza Wamaka yonsi.

Masamu 92:1

Cazipa ukukulumbanya wewe we Yawe, nu kukwimbila inyimbo zyakulumbanya izina lyako, We Leza wapapelapela.

Ezaya 13:11

Yawe akuti, “Ndakalipila antu aikala mu mpanga ii apa ntumpu zino yakacita, nga na antu aipe apa utalanganyi wao. Ndaputula icilumba cakwe yao akayuvwa, nu kucefya imitumfyo uku antu alukang'ansi.

Ezaya 2:11

Akuno uli uwanda umwi umu pipi, uno antu avilumba yalafusiwa amanso yao, uwanda uno ivilumba vyao vilasila. Awewe wenga sile we Yawe, wemuno ulacindamikwa mu wanda ulya.

Ezaya 24:15

Aku ufumondaka nayo kwene yalalumbanya Yawe. Antu yano ikala umu vilila nu mu nkumba yakwe yemba, yalalumbanya Yawe, Leza wakwe Izlaeli.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Nyimbo zya ndosya 3:38

Uzye asi api lamulo lyakwe Leza Wapapelapela pano ivisuma ni viipe vikacitika?

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Danieli 2:44

“Umu nsita zyakwe yakateeka yalya, Leza wa kwiyulu alakatusya uwene uno utalatala wononwe. Wene utalatala ucimviwe, lelo ulonona amawene yauze yonsi nga lyene wikalilila amanda pe.

Danieli 4:2

Caticinzanzya kuti munene ivinjelengwe ni vizungusyo vino Leza Wapapelapela wancitila.

Danieli 4:26

Umungeli wilya wapile ilamulo lyakuti icisinte ca cimuti yacisye mu musili. Cii calola mukuti nupya kwene wemo ulaya umwene lilyo lino ulazumila ukuti Leza aliwe akateeka insi yonsi.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:36

“Lino amano yane yawezile, ali lino nu mucinzi, nu usambazi wane, nga nu lulumbi lwa wene wane vyapilwe nupya kwene kunondi. Yampandamano yane kumwi ni vilolo vyane yanzengile, nga na maka yane autesi yapilwe nupya kunondi nu mucinzi ukalamba kuluta uno napiilwe inkolelo.

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Danieli 7:14

Wene wapilwe amaka, ululumbi nu utesi, kuti misango yonsi ya antu, na antu amu nko zyonsi ni ndimi, yangamutumikila. Amaka yakwe autesi yalatwalilila amanda pe, nu wene wakwe utalasila.

Danieli 7:27

Amaka nu ukulu wa mawene yonsi pano nsi ulapelwa ku antu yakwe Leza Wapapelapela. Amaka yao autesi yatalasila, nga na yakateeka yonsi pano nsi yalamutumikila nu kumuyela.”

Danieli 9:14

Wemo we Leza witu waiteinye ukutuvunuka, nga nu kucita wacisile cico, pamulandu wakuti lyonsi kwene ukacita vyaololoke, nupya swemo tutakutezizye.

Yona 1:14

Lyene yapepa kuli Yawe, yati, “Iye we Yawe, twapapata utaleka tufwe pamulandu wakukoma umuntu wi. Utaleka tuye amulandu pa kukoma umuntu wi uwakaele, pasi pano we Yawe watucita icakukuzanzya.”

Mika 4:7

Ivilema vivyo ndaleka viye antu yane asyalapo, yayo azinzilwe kumwao yalaya uluko lwa maka. Nene ne Yawe ndaya umwene wao apa mwamba wa Zioni, ukutandikila sile apa nsita kwene iyo mpaka umuyayaya.”

Luka 1:33

nawe alaya umwene wa ina Izlaeli pe na pe. Uwene wakwe utalatala uwe.”

Luka 18:13

Lelo kasonkisya aimilila katalamukila. Lyene ainamika usyu wakwe pansi kwaula nanti kulingamila mwiyulu, lelo ayuma pa cifuwa cakwe nga avwanga ati, ‘Leza uye na mizu kunondi ne kaifya.’”

Yoane 5:26

Vino Tata ali ntulo ya umi, avino walenga nu Mwana kwene kuti aye intulo ya umi.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Umbwilo 10:6

nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.