Danieli 4:32 - Amazwi Yakwe Leza 2013

³² Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:32 Iomraidhean Croise

2 Milandu 33:13

Yawe nawe ali pa kuvwa uku papata kwakwe, nga amwasuka. Lyene Yawe aleka kuti aswilile ku Yelusalemu ku kuteeka nupya. Alino Manase asininkizya apaswe ukuti umucumi Yawe ali Leza.

Yobo 42:2

“Nemo natimanya ukuti wemo wakwata amaka akucita icintu icili consi, Wemo ungacita consi cino ukulonda, nupya kusi angalesya.

Yobo 9:12

Ndi wene wiza umu kutoola vino akulonda, uzye aweni angamulesya? Kusi nanta umwi angamuzya ati, ‘Uzye icani cino wacitila vii?’

Masamu 115:3

Ala swemo Leza witu waya umwiyulu, akacita na vyonsi vino atemilwe.

Masamu 135:6

Vyonsi vino Yawe akalonda ukucita ali vino akacita umwiyulu na muno nsi, muli yayemba nu mu matenga yonsi.

Kufuma 8:10

Falao nawe aasuka ati, “Uce umpepelele mutondo.” Mose aasuka ati, “Ndacita wakwe vino walenga, alino lyene ulamanya ukuti kusi Leza muze ali wakwe Yawe, Leza witu.

Kufuma 9:14

Insita ii ntalavunuka sile yacilolo yako na antu yako lelo nawe kwene ndakuvunuka, pakuti umanye ukuti kusi umwi uwakolana nani mu nsi yonsi.

Kufuma 9:29

Mose anena Falao ati, “Lino namafuma sile muno mu musumba, namaya nkakatusye makasa yane nu kupepa kuli Yawe. Kupangalansya kumata, ni mvula ya mawe kutakuya, pakuti ungamanya ukuti insi iyakwe Yawe.

Ezaya 37:20

Ali cino fwandi we Leza witu tupususye kweneko ku ina Asilya, uleke antu yonsi apano nsi yasininkizye ukuti wewe wenga mpo, awewe Leza wacumi.”

Ezaya 40:15

Imitundu ya antu Leza akailola ungati akalitoni ka manzi akali apa milomo ya nsembo ya manzi. Yene yaya wa tupece twa lusenga ululi pa cipimilo. Nanti sile ivilila kwene, akavilola ungati ulukungu sile uku kupepuka.

Ezaya 40:17

Imitundu yonsi ya antu, Yawe akailola kwati iyasilesile, kwati itaya na penepo.

Ezaya 45:3

Ndakupeela ivyuma ukufuma mu mfinzi, vino yasezya umu ncende zya nkama, apakuti ukamanye ukuti nene indi Yawe, Leza wa ina Izlaeli, wiyo akukwamila ukwi zina.

Yelemiya 27:5

“Uku maka yane ataikulila, na pakukonzolola ikasa lyane apa kuumba antu, impanga ni myamba ya pano nsi nu kupeela nkapeela wino natemwa.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Yoswa 4:24

Wene wacisile ci pakuti antu yonsi amu nsi yamanye ukulu wa maka yakwe Yawe, na kuti mungaoopa Yawe Leza winu amanda pe.”