Danieli 4:31 - Amazwi Yakwe Leza 2013

³¹ Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 4:31 Iomraidhean Croise

Utandiko 14:18

Na Mekisedeki umwene waku Salemu, nupya simapepo wakwe Leza uwapapelapela nawe aletela Abulamu umukate na waini.

Yobo 20:23

Apa kasita kaka kwene kano wakwatisya icuma, ali lino Leza nawe akamuvungatila nu kumupamola.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Ezaya 14:27

Yawe Wamaka yonsi ndi cakuti wapingula, aweni angavulunganya upinguzi wakwe? Ndi wakatusya ikasa, uzye angaliwezezya aweni?

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Danieli 4:24

“Lyene, we musambazi, muu, amuno iciloto ciile, nupya Leza Wapapelapela watalamula icilakucitikila.

Danieli 4:26

Umungeli wilya wapile ilamulo lyakuti icisinte ca cimuti yacisye mu musili. Cii calola mukuti nupya kwene wemo ulaya umwene lilyo lino ulazumila ukuti Leza aliwe akateeka insi yonsi.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Danieli 5:28

Pelesi: Wene wako watiwankanikana nu kupelwa ku ina Mede na ina Pesya.”

Danieli 6:27

Wene akapususya nu kutuula. Wene akacita ivizungusyo ni vinjelengwe. Wene watatuula Danieli kuli yacisama yatamukoma.’”

Mateo 3:17

Ni zwi lyuvwika kufuma mwiyulu liti, “Wii Umwanane mukundwe, munoli nkuzanga cuze.”

Luka 12:20

Lelo Leza amunena ati, ‘We ciwelewele we! Usiku kwene uu umi wako nkuulonda. Uzye lyene aweni alatola vintu vyonsi vino waisungila?’”

Yoane 12:28

Tata, langa antu yonsi lulumbi lwi zina lyako!” Alino izwi lifuma mwiyulu liti, “Nati ndangizya antu lulumbi lwane nga ndacita cii nupya kwene.”

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

1 Samueli 13:14

Lelo ndakai uwene wako utamalengela. Yawe watailondela umuntu muze wino akasi nu kumulasika utesi pa antu yakwe, pamulandu wakuti wemo wakana ukusunga isunde lyakwe.”

1 Samueli 15:23

Pano ukutalama kukoline ni iifyo lya ulozi, nga ukuitutumika nako kukoline nu kupepa utuluwi. Pamulandu wakuti wemo watukana ukuyela amazwi yakwe Yawe, nawe kwene watakukana ukuya umwene.”