Danieli 4:30 - Amazwi Yakwe Leza 2013

³⁰ avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Danieli 4:30 Iomraidhean Croise

Utandiko 10:10

Pa kutandika kwa wene wakwe Nimulodi wateesile imisumba ya Babeli, Eleki, na Akadi, na yonsi itatu yali mu mpanga yaku Syinala.

Esita 1:4

Umwene walangizye cuma cakwe na maka ya wene wakwe nu lulumbi lwa usambazi wakwe apa manda 180.

Masamu 104:1

Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.

Masamu 49:20

Ala ucindami wa muntu utange umulesye ukufwa foo. Imifwile yakwe, icili conga sile ni ya nyama.

Masamu 73:8

Yakasoweka auze nu kulanda iviipe, yakwata ivilumba nu kupanga ivyakufyengelekezya auze.

Mapinda 11:2

Icilumba ndi cayapo, pakaiza umuzewanya, lelo apali ukuicefya pene pakafuma amano.

Mapinda 16:18

Icilumba icikakolelela uononesi, ukuitutumula umu mwenzo, ukukakolelela ukuongoloka.

Mapinda 29:23

Icilumba ca muntu cikamuletelela mpaka acefiwa, lelo umuntu akaicefya wene yakamucindika.

Ezaya 13:19

Babiloni uwene wacindamisya ukuluta, uno waya icilumba nu lulumbi lwa mawene, yalaulwisya kuli Leza ndi vino cali kuli Sodoma na Gomola.

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Habakuku 1:11

Lyene yaleluka wa muza, iyapita. Antu yayo amaka yao ali Leza wao.”

Luka 14:11

Pano wensi akaikuzya wene alacefiwa, na wino wensi waicefya wene alakuziwa.”

Luka 14:9

Lyene umuntu amwamile mweili angiza nu kukunena ati, ‘Leka wi aliwe aikale pa cilimba cii.’ Lyene wemo ulaya ni nsonyi pa kukufumyapo nu kwikala pa cilimba cisulwe.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Umbwilo 14:8

Mungeli wakwe ciili alondela pa wankolelo, ala akuti, “Watawa! Babiloni mukulu watawa! Wene wamwesya antu yonsi waini mulume uwa ulenzyo wakwe.”

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Umbwilo 18:21

Alino mungeli wa maka anyemula ciliwe cakusilapo cikulu cuze acisumbila muli yemba, avwanga ati, “Vii avino Babiloni musumba ukulu ulasumbwa pansi na maka, nupya wene utalatala uloleke.