Danieli 4:26 - Amazwi Yakwe Leza 2013

²⁶ Umungeli wilya wapile ilamulo lyakuti icisinte ca cimuti yacisye mu musili. Cii calola mukuti nupya kwene wemo ulaya umwene lilyo lino ulazumila ukuti Leza aliwe akateeka insi yonsi.

Danieli 4:26 Iomraidhean Croise

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu

Danieli 2:37

We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Danieli 4:15

Lelo usye icisinte cakweco mu musili, ale icinyepelelwe nu musipi wa cela nu mukuwa ukuzinguluka. Ucisye mumu kwene mu mpanga umwi sote. “ ‘Lyene leka ulumi lukunge umuntu wii, nupya leka aikale pamwi ni nyama ni vimelwa.

Danieli 4:23

Walanga we musambazi ucili lolekesya, umungeli wizile ukufuma mwi yulu nga avwanga ati, ‘Sinda icimuti nu kuconona, lelo usye icisinte cakweo mu musili. Ucinyepelele nu musipi wa cela nu mukuwa ukuzinguluka, nga ucisye mumu kwene umwi sote. Lyene leka ulumi lukunge umuntu wii, nupya leka aikale pamwi ni nyama imyaka cinimbali.’

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Mateo 21:20

Lino alondezi yalola cii, yazunguka cuze, nga yuzya yati, “Uzye musamvu uma zuwa uli?”

Mateo 5:34

Nemo namunena nati, mutaezya kulapa, nanti kulumbula iyulu mu milapo, pano iyulu ali cilimba ca wene cakwe Leza.

Luka 15:18

Namakatuka mpite kuli tata inkamunene inti, Tata, niifya kuli Leza uwa mwiyulu na kunuli.

Luka 15:21

Umwana nawe amunena ati, ‘Tata, Niifya kuli Leza uwa mwiyulu na kunuli. Ntaine ukwamwa umwana wako nupya.’