Danieli 4:21 - Amazwi Yakwe Leza 2013

²¹ Amafwa yakweco yali ayembe, nga naco cakweti iviseekwa vivule vino vingakumana wensi umu nsi ukulya. Inyama zya mpanga zyuwanga mu cisao cakweco, ni vyunyi vyapanzile vinsanzo vyakwevyo mu misambo yakweco.

Danieli 4:21 Iomraidhean Croise

Masamu 104:17

Ali kuno ivyunyi vikalukila ivinsanzo, apa ntonje ntonje. Ali pano na yanamakungwe yakatongama.

Ezekelo 17:23

Ndaulema pa mwamba umwi utalimpisye mu Izlaeli. Wene ulalemuka uce ukakule ukatumbe ni misambo iingi, nga nu kuseeka iviseekwa. Ulaya umuti umwi utalimpisye. Ivyunyi vya misango yonsi akuno vilaikala, nu kuuwa mu misambo yakweo.

Ezekelo 31:6

Ivyunyi vyonsi vya mulwelele vyalusile ivinsanzo vyakwevyo mu misambo yakweo. Inyama zyonsi zyamu mpanga zyavyalile umwisika ya nsala zyakweo. Antu yonsi amu nko yatenzi mu cisao cakweo.

Danieli 2:38

Wene wika antu ni vinyama vya mpanga ni vyunyi vya mulwelele mu makasa yako. Konsi kuno vikaikala wewe uli kateeka wakwevyo vyonsi. Wewe uli mutwe ulya wakwe zaabu.

Danieli 4:11

Cimuti cici icikula, calukukula mpaka cifika nu mwiyulu nga nu muntu wensi umu nsi acilola.

Danieli 4:20

Cimuti cino waweni, citalimpisye wakwe cimwi cakuti cifika nu mwiyulu, umuntu wensi umu nsi waciweni.

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Luka 13:19

Ukoline wa lumbezu lwakwe musunta, luno umuntu watile mu calo cakwe. Lyene lino lwamela luya musunta, nga akula aya umuti, ni vyunyi viluka vinsanzo mu misambo ya cisao cauko.”