Danieli 4:19 - Amazwi Yakwe Leza 2013

¹⁹ Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 4:19 Iomraidhean Croise

Utandiko 31:35

Lakeli anena isi ati, “Musambazi, mutansokela muti misuli pa kukana katuka pano ntenzi pamulandu wakuti indi ku musango wa cimama.” Labani alonda tuleza tutu wakwe cimwi. Lelo atatuzanyile.

Utandiko 32:18

Pakuzumila ukati, ‘Ivya muomvi wako Yakobo. Watuma ivyawila vi ku musambazi wakwe Esau. Na Yakobo umwisikulu ali cisila citu.’”

Utandiko 40:12

Lyene Yosefu amunena ati, “Ciloto cikusenula vii: misambo itatu ya muti amanda yatatu.

1 Yamwene 18:7

Lino Obadiya akuya alino umu nzila akomenkanya kasema Eliya. Obadiya ali pakulooka Eliya, nga afukama pansi afupime, nga auzya Eliya ati, “Uzye icumi cumi awewe Eliya?”

Kufuma 32:32

Lelo ndakai napapata uyelele iifyo lyao. Napapata ndi wakana ukuyelela, lyene ufute izina lyane mu lupapulo luno walembamo mazina ya antu yako.”

Yelemiya 29:7

Nupya mwasumbisya amano uku vintu ivyakuzipila impanga ino namutwala mwenemo mu uzya. Mwalengela impanga iyo kuli Yawe. Pano ndi cakuti yakwata isyuko namwe kwene mulaya nu longo.”

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Danieli 1:7

Cilolo mukalamda apali pakuyatemela amazina apya ali ndi yaa: Danieli yati a Belitesyazali, Hananiya yati a Syadilaki, Misyaeli yati a Mesyaki, na Azaliya yati a Abedinego.

Danieli 2:26

Umwene nawe auzya Danieli (wino izina lyakwe nalyuze a Belitesyazali) ati, “Uzye ungandotwela iciloto nu kundondolwela muno ciile?”

Danieli 2:37

We musambazi, wewe uli mwene mukalamba pali yamwene yonsi. Leza wa mwiyulu wakulasika pa wene, wakupeela na maka nu ulamba nga nu lulumbi.

Danieli 4:24

“Lyene, we musambazi, muu, amuno iciloto ciile, nupya Leza Wapapelapela watalamula icilakucitikila.

Danieli 5:12

Umuntu wii Danieli, wino umwene waamanga ukuti Belitesyazali, wakweti amano nu umanyililo nga nu kwiluka ukwakuzunguka, nga nu kulondolola iviloto, nu kwilula amapinda nu kumala intazi zikome. Acino tuma akuya aama Danieli nga nawe amaiza akunene muno vii vyonsi viile.”

Danieli 5:18

“Iye mwene, ala Leza wapapelapela walasike so Nebukadineza pa cilimba ca wene, aya umwene mukulu amupeela na amaka nu lulumbi nu usambazi.

Danieli 5:19

Wene wali umukulu cakuti antu amu nko zyonsi, ni misango yonsi ni ndimi yamoopanga nu kuzakaza. Ndi wene walonda kukoma ali wensi, ala amamukoma. Ndi walonda kuti umwi atakomwa, ala cimaya vivyo kwene. Wene wacindamikanga nanti kusausya ali wensi wino akasi.

Danieli 7:15

Ne Danieli naaziwe mu mwenzo, nupya ivilolwa vii vyansakamike wakwe cimwi.

Danieli 7:28

Kuu kuli kumalila kwa ulondolozi. Nuvwile intete cakuti nu usyu wane walolike usakamale, lelo ntanenyile umwi umulandu uu.

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Habakuku 3:10

Lino imyamba yakulola, itandika kuzakaza. Amanzi yapongoloka ukufuma ukwiyulu. Na maimbi yakatuka papela wakwe cimwi.

1 Samueli 1:15

Hana nawe amwaasuka ati, “Awe, musambazi! Nemo nene mwanaci umwi ali nu ulanda wakwe cimwi. Ntamwile uwengwa nanti umwi nanti sile icili consi icikakola. Nemo nali nkulondolwela sile Yawe ivintu ivili mu mwenzo wane.

1 Samueli 24:8

Lyene Davidi afuma mwi cele nga aama Saulo ati, “We musambazi umwene wane!” Lino Saulo wacelecensya monsi, Davidi akunkula pansi mucinzimucinzi

1 Samueli 26:15

Davidi nawe avwanga ati, “Ata see! Uzye icumi wemo ukuti wewe monsi pono? Uzye pa ina Izlaeli pangaya wino mulingine nawe?

1 Samueli 3:17

Eli nawe amuuzya ati, “Uzye ivyani vino Yawe waliwakukunena? Utezya umfise nanti cimwi. Yawe amakusantola ndi cakuti wala wamfisa pali vino wali wakunena.”