Danieli 4:17 - Amazwi Yakwe Leza 2013

¹⁷ Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:17 Iomraidhean Croise

1 Yamwene 21:25

(Kutatazile kuya umuntu nanti wenga uwayembwike pa manso yakwe Yawe umu kucita ivintu viipe kuluta pali Aabu, pano wene watunkwangwa na Yezebele, umuci wakwe.

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

Masamu 103:19

Yawe wasimpa icilimba cakwe umwiyulu nga aliwe akateeka vyonsi mu wene wakwe.

Masamu 12:8

Pano antu aipe yakutuzinguluka umu mbali nu ukakasi nao iuvulisya umu antu.

Masamu 9:16

Yawe wataisokolola umwisikulu umu upinguzi wakwe ulungame. Watafyenenkezya aipe umu vicitwa vyao.

Kufuma 9:16

Lelo pakuti nkulange maka yane kuti uye umumi pakuti antu munsi yonsi yandumbanye.

Ezaya 6:3

Ala yakulaizya yakuti, “Wamuzilo, wamuzilo, wamuzilo Yawe Wamaka yonsi, ucindami wakwe walimba insi yonsi.”

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

Ezekelo 25:17

Ndayavunuka nu kucita cilanduzi kunoyali. Yalalola apapelela icipyu cane. Alino lyene yalasininkizya ukuti nene indi Yawe.”

Ezekelo 7:24

Caleka ndaama imitundu iyalutapo ukali, iliza ipoke amang'anda yao, ndamala icilumba ca asambazi ni ncende zyao zicindami zilakowela.

Danieli 11:21

Umungeli atwalilila ukulondolola ati, “Umwene wino alalondelelapo uwaku Silya alaya umwipe wiyo atakwata ni nsambu zyakuya umwene. Wene aliza mu kwiukizya nu kupoka uwene ulya mu ucenjezi.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 4:2

Caticinzanzya kuti munene ivinjelengwe ni vizungusyo vino Leza Wapapelapela wancitila.

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Loma 13:1

Muntu wensi alinzile kuyela maka yakwe yakateeka, pano kutaya uteko utafuma kuli Leza. Mauteko yonsi akwe Leza, uwayasonta.

1 Kolinto 1:28

Wene wasolwile cico cino antu amu nsi yatazyela nu kusuula, nga nu kwelenganya ukuti icasilesile pakuti aonone cico cino antu amu nsi yakaelenganya vino icampomvu.

1 Timoti 5:21

Pa manso yakwe Leza na Klistu Yesu, nga na angeli yamuzilo nkukonkomezya wewe kuti uyele vyonsi vino nakutungulula kwaula kuya ni vikanza nanti kuwila kuli umwi muli vyonsi vino ukucita.

Umbwilo 4:8

Mu viumbwa vii vini cila ciumbwa cakweti amapa mutanda nayo yalimviwe na manso mukasi nu kunzi yakweyo. Musanya nu usiku vyene visyata kwimba lwimbo viti, “Wamuzilo, wamuzilo, wamuzilo Mwene Leza wa maka yonsi wino uwaliko, alipo, nupya wino aliiza.”

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.