Danieli 4:13 - Amazwi Yakwe Leza 2013

¹³ “Lino ncili elenganya pa cilolwa cici, indola mungeli akufuma umwiyulu, ala akuwaka nu kucevya.

Danieli 4:13 Iomraidhean Croise

Yobo 12:24

Aliwe akavulunganya amano ya ntunguluzi zya antu pano nsi nu kuleka ukuti yavulunganya ivintu nu kuzeuluka.

Masamu 103:20

Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Masamu 89:7

Leza awino yakaoopa wakwe cimwi mu ukongano wakwe yayo amuzilo. Wene uwakoopa sana ukuluta yonsi amuzinguluka.

Danieli 4:10

“Nani imunena inti, walanga njizi, nakweti icilolwa ca cimuti icikulu wakwe cimwi icali pakasi ka nsi.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:23

Walanga we musambazi ucili lolekesya, umungeli wizile ukufuma mwi yulu nga avwanga ati, ‘Sinda icimuti nu kuconona, lelo usye icisinte cakweo mu musili. Ucinyepelele nu musipi wa cela nu mukuwa ukuzinguluka, nga ucisye mumu kwene umwi sote. Lyene leka ulumi lukunge umuntu wii, nupya leka aikale pamwi ni nyama imyaka cinimbali.’

Danieli 4:5

Lelo nizile ndota iciloto cakundetela intete nga lino naizi ndola ni vilolwa vyakungoofya.

Danieli 7:1

Mu mwaka uwakutandika uwa kuteeka kwakwe Belisyazali umwene waku Babiloni, ne Danieli nalosile iciloto nga naweni icilolwa usiku. Nalemvile iciloto cici.

Danieli 7:17

Anena ati, “Ivinyama vii vini a mawene yano yalakatuka umu nsi.

Danieli 7:23

Lyene andondolwela vii: “Icinyama cakwe cini uli wene wakwe cini uno ulayako umu nsi, nga wene utalakolana na mawene yauze asyala. Wene ulatamola insi yonsi nu kuilyatola.

Danieli 8:13

Lyene nuvwile umungeli wenga akuuzya umuze ati, “Uzye ivintu vii ivyalolike mu cilolwa vimatwalilila ukufika lilaci? Uzye ukufika lilaci lino uyi wakofya ulatwalilila umu cifulo ca kupeela impolelwa zya cila wanda? Uzye amu mayulu kumwi ni Ng'anda ikulu yakwe Leza yalalyatolwa ukufika lilaci?”

Zakaliya 14:5

Pakuutuka mwemo mulafyonsya mu ciposi kwene cico ukufika ku lusansa longa mpaka ukulambila ku lusansa luze lwa mwamba ulya. Mulutuka ndi vino ivikolwe vinu vyutwike lino pizile cilundumusi, pa nsita ino umwene Uziya wateekanga mpanga yaku Yuda. Yawe witu aliza aloleke pamwi na angeli yakwe yonsi.

Mateo 25:31

“Lino Mwana wa Muntu aliiza mu lulumbi lwakwe, pamwi na angeli onsi, wene alikala pa cilimba cakwe ca wene.

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Luka 4:34

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Malango 33:2

Yawe watentemwike ukufuma pa Mwamba wa Sinai, wakatwike wa kutunka kwi lanzi pa mpanga ya Seili nu kuyengesela pa antu yakwe ukufuma pa Mwamba wa Palani. Wene wali pamwi na angeli amazimbi ikumi, ali wa nsase zya moto ukwi kasa lyakwe lilunji.

Yuda 1:14

Enoki, cikolwe calenga cinimbali kufuma pali Adamu, awino apa mpiti wasowile pamulandu wao ati, “Cumi Mwene aliza pali pamwi na angeli yakwe amuzilo mazimbi na mazimbi.

Umbwilo 14:10

wene alamwa waini wa ukali wakwe Leza. Waini wa cipyu cakwe wino wapongolwela mu lwako ulwa ukali wakwe ukwaula kucefiwa maka. Wene alasumbwa nu kupya mu moto na maluti pa manso ya angeli yakwe Leza nu Mwana wa Mfwele. Wene alasumbwa mu moto na maluti pa manso ya angeli amuzilo nu Mwana wa Mfwele.