Danieli 3:7 - Amazwi Yakwe Leza 2013

⁷ Caleka lilyo kwene lino yuvwa ukulila kwa ntandala, nu kwa mitolilo, nu kwa visekese, nu kwa mapango nu tungoma nga ni vyakulizya vyonsi, antu anko zyonsi, ni ndimi pali pakufukama nu kupepa iciluwi cino umwene Nebukadineza wimike kuku.

Danieli 3:7 Iomraidhean Croise

Yelemiya 51:7

Babiloni wali wa cikombe cakwe zaabu umu minwe yakwe Yawe. Wene walenzile nu kuti insi yonsi imwe ikoleke, pano imitundu yonsi yamwanga waini wakwe nu kupena ipena.

Danieli 2:46

Lyene umwene Nebukadineza apona pansi afupime nga apeela ilamulo kuti yapeele impolelwa na mawila kuli Danieli.

Danieli 3:10

Musambazi wemo watupeela ilamulo lyakuti zuwazuwa lino ukwimbila kwatandika, cila muntu alinzile kufukama nu kupepa iciluwi cakwe zaabu,

Danieli 3:4

Lyene kuma wa mbila auma imbila ni zwi likulu ati, “Mwe antu amu nko zyonsi, mwe antu amisango yonsi, ni ndimi zyonsi!

Danieli 3:5

Zuwazuwa lino muvwa ukulila kwa ntandala, nga palondelela nu kulila kwa visekese, utungoma, amazeze, ni mitolilo ya misango yonsi, lyene mwensi kwene mulinzile kupona pansi nu kupepa iciluwi cakwe zaabu cino Nebukadineza wika.

Danieli 3:6

Umuntu ali wensi wino asikufukamila nu kupepa iciluwi cakwe zaabu amasumbwa zuwazuwa mwi lungu lya moto.”

Danieli 3:8

Apa nsita kwene ilya aina Babiloni yamwi yiza inkolelo nu kupeela Ayuda umulandu.

Milimo 14:16

Ku mpiti walesile antu kucita vyonsi vino yakulonda.

1 Yoane 5:19

Twamanya ukuti sweswe yakwe Leza nanti angala insi yonsi ili pisika lya utesi wa Mwipe wilya.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 13:3

Umutwe onga uwa cilyanyi walolike ni cilonda cakuleta imfwa, lelo calanga icipola. Antu yonsi amu nsi yalondela cilyanyi ala yakuzunguka.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Umbwilo 17:8

Cilyanyi cino ukulola, mpiti cali nu umi, lelo ndakai cafwa. Cili pipi nu kufuma mu ciwina caula impela nu kupita ku kononwa. Antu yonsi amu nsi yano mazina yao yatalemvilwe mu lupapulo lwa umi kufuma ku uumbo wa nsi yalazunguka cuze lino yalalola cilyanyi. Yalazunguka pa kulola ukuti cali nu umi nga ndakai cafwa. Lelo cilatutuluka nu kuloleka nupya.

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.