Danieli 3:27 - Amazwi Yakwe Leza 2013

²⁷ Lyene yakateeka yonsi, na alasi, na angalizi na yampandamano ya mwene yakongana kuti yalolekesye antu yaya yatatu, yano yatapiile nu moto ulya. Inyele zyao zitapiile, ni vizwalo vyao vitapiile, nayo yatanunsile icunsi.

Danieli 3:27 Iomraidhean Croise

1 Yamwene 13:28

Lyene apita, nga aya azana icala ca muntu wilya cilambalile mu museo, ala punda na cisama navyo ivimilila mu mbali yakweco. Cisama atalile icala nanti ukuzanzambila punda foo.

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

Masamu 83:18

Yangala yamanye nu kuti awewe sile wenga ukaamwa Yawe, nupya wenga mpo, wewe uli Leza Wapapelapela umu nsi yonsi!

Ezaya 26:11

Anisi yako yatamanya ukuti wemo ungayakalipila. Ala we Yawe leka insonyi ziyaleme, leka yacule ucuzi uno wayateyanyizizya. Yalange ukutemwa kuno watemwa antu yako.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Danieli 3:21

Acino antu yaa, yano yazwite imingila yao, amatolozi, ni vizwalo vyuze vyasyala, yayanyepa nu kuyasumbila mwi lungu lya moto.

Danieli 6:23

Apakuuvwa cii, umwene asansamuka wakwe cimwi nga apeela ilamulo kuti yafumye Danieli mu ninga ilya yakwe yacisama. Caleka yamufumya nga yataweni icilonda nanti cimwi apa mwili wakwe, pamulandu wakuti Danieli wataile muli Leza wakwe.

Danieli 6:7

Swe aomvi swensi kwene, angalizi, alasi, angalizi ya alasi, ni ntunguluzi zyuze, twatituzumilizyanya ukuti we musambazi upele ilamulo nu kukonkomezya ukuti umuntu ali wensi wino alapepa kuli leza ali wensi nanti ku muntu umu manda amakumi yatatu akwiza, umu cifulo ca kupepa kunuli, we mwene, wene alasumbilwa mu ninga yakwe yacisama.

Mateo 10:30

Nupya inyele zyonsi zyaku mitwe inu nazyo kwene wazipenda zyonsi.

Milimo 26:26

Mwene Agilipa! Ningavwanga kunuli nu kupama, pano umanyile vintu vii. Nati nsininkizya ukuti pasi cimwi cino utamanyile, pano vintu vitacitikile mu umfisolo.

Milimo 27:34

Namupapata, lyene, mulye kamwi kuti muye nu umi. Kusi nanti umwi munomuli amaponzya nanti lunyele longa kumutwe wakwe.”

Ayebulai 11:34

yazimizye moto uwipisye nu kutuulwa ku kukomwa ku lupanga. Nanti angala yali atonte yene yapilwe maka nga yaya akome. Mu nkondo yali na maka cuze, nupya yacimvizye vita vya inamasi.