Danieli 3:12 - Amazwi Yakwe Leza 2013

¹² Kuli Ayuda yamwi yano we mwene wika apa wangalizi mu muputule wa mpanga ya Babiloni. Antu yaa, a Syadilaki, Mesyaki, na Abedinego, yayo akukana ukuyela amalamulo yako we musambazi. Yene yasipepa nanti ukufukamila iciluwi cakwe zaabu cino wika kuku.”

Danieli 3:12 Iomraidhean Croise

Esita 3:8

Lyene Hamani anena umwene Aasuwelo ati, “Umu antu ni mitundu ino ukateeka, mwaya mwenemo umutundu onga uno wasasantika monsi monsi umu mpanga yako yonsi. Umutundu uo wene waipaatula nu kukana londela masunde yako yano ukupeela uku antu yako. Amasunde yao yene yapusana na masunde ya antu amu mpanga ino wemo ukateeka. Caleka fwandi musambazi, ntanzi ndi cakuti wemo ungayazumilizya.

Mapinda 27:4

Ulufyengo ni cipyu vyonsi ivya ononyi. Lelo uzuwa wene waluta pali vyoili.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Danieli 1:7

Cilolo mukalamda apali pakuyatemela amazina apya ali ndi yaa: Danieli yati a Belitesyazali, Hananiya yati a Syadilaki, Misyaeli yati a Mesyaki, na Azaliya yati a Abedinego.

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Danieli 2:49

Ukuluta pali cico, Danieli alenga umwene kuti alasike Syadilaki, Mesyaki, na Abedinego pa wangalizi wa milimo imwi yamu muputule wa mpanga ya Babiloni. Lelo Danieli wene wasile akutumikila mu musolo wakwisano.

Danieli 3:11

nu kuti wiyo uwakana ukufukama nu kucipepa alinzile wasumbilwa mwi lungu lya moto.

Danieli 3:16

Syadilaki, Mesyaki, na Abedinego yaasuka umwene yati, “We mwene Nebukadineza, swemo tutalinzile ukuipokolola inkolelo yako uku mulandu uu.

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Danieli 3:30

Lyene umwene alasika Syadilaki, Mesyaki na Abedinego apa vifulo mu muputule wa mpanga ya Babiloni.

Danieli 6:13

Lyene antu yaya yanena umwene yati, “Danieli, wenga uwamu azya ukufuma ku Yuda, atacindika we musambazi, nanti ukuyela cipope kwene cino wemo walemba. Lelo wene akapepa amaila yatatu umu wanda.”

Danieli 6:14

Lino umwene uvwile cii, asakamikwa wakwe cimwi nga aezya na maka ukuzana inzila yakupususizyamo Danieli. Wene watwalilile ukwezya ukumupususya mpaka ilanzi iliwa.

Milimo 17:7

na Yasoni uwayasunga mu ng'anda yakwe. Onsi yakavuna masunde ya mwene Kesa, pa kunena antu ukuti kwaya sile Mwene muze wino zina lyakwe a Yesu.”

Milimo 5:28

“Twamupile ilamulo nu kukonkomezya kuti kutaya umuntu umwi uwakusambilizya mwi zina lya muntu wii,” lelo “Lolini cino mwati mwacita! Mwati musalanganya usambilizyo winu mu Yelusalemu monsi, nga mukasi kuti sweswe tuye nu mulandu wa kukoma muntu kwene wii?”