Danieli 3:10 - Amazwi Yakwe Leza 2013

¹⁰ Musambazi wemo watupeela ilamulo lyakuti zuwazuwa lino ukwimbila kwatandika, cila muntu alinzile kufukama nu kupepa iciluwi cakwe zaabu,

Danieli 3:10 Iomraidhean Croise

1 Milandu 15:16

Pacisila cakwe vii, Davidi anena intunguluzi zya ina Levi ukusonta yamwi muno yali kuti yimbe inyimbo zya kuyasansamusya, mu vyakulizizyako inyimbo wakwe vii: yabanjo, yababatoni ni viwaya.

1 Milandu 15:28

Acino aina Izlaeli yonsi iyaleta Mbokosi ya Upangano yakwe Yawe yala yakupunda nu kulizya ivinyenye ni ntandala, ni viwaya, na yabanjo na yababatoni.

2 Milandu 29:25

Lyene umwene alondela ilamulo lino Yawe wapile ukupitila muli Davidi na Gadi, yakasema yakwe, nga na muli kasema Natani. Aika akazi ka ina Levi mu Ng'anda ikulu yakwe Yawe kuti yalizya iviwaya, yababatoni na yabanjo.

Masamu 94:20

Wemo musiuvwana napinguzi ya lufyengo, yao atemwa ukucita ulufyengo wi sunde.

Kufuma 1:16

“Lino mukwazwilizya anaci Ayebulai pa kuisapula kwao konsi, ana yao ndi aonsi mwayakoma, lelo ndi anaci yene muyata sile.”

Kufuma 1:22

Pa kusyalikizya umwene wilya apeela ilamulo ku antu yakwe yonsi ati, “Mwana wensi umonsi uwavyalwa ku Ayebulai alinzile asumbwe mu Luzi lwa Nailo. Lelo ana yao yakaci yonsi muyata sile.”

Kasambilizya 3:16

Cuze cino nalola mu nsi ii, icakuti ulufyengo lukazanwa apalinzile ukuzanwa ulungami, na palinzile ukuzanwa usuma pakazanwa uyi.

Ezaya 10:1

Kalanda kuli yayo akapanga amasunde ya lufyengo, na kuli yakalemba akapeela amalamulo akutitikizya antu yauze.

Danieli 3:11

nu kuti wiyo uwakana ukufukama nu kucipepa alinzile wasumbilwa mwi lungu lya moto.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 6:12

yonsi kwene yaile ku mwene ku kusitaka Danieli. Yavwanzile yati, “Musambazi, uzye wemo utalemvile icipope cakuti umu manda amakumi yatatu yano yaliza umuntu ali wensi wino alalenga icintu icili consi kuli leza ali wensi nanti uku muntu, suka sile kuli wewe, umuntu wiyo alinzile kusumbilwa mu ninga yakwe yacisama?” Umwene nawe aasuka ati, “Avivyo kwene, ilamulo lilyo lilinzile lyawakwa iviine amasunde ya ina Mede na ina Pesya, yayo atangasenulwa.”

Amosi 6:5

Umulimo winu ukulizya sile amazeze kwati a Davidi, nu kusika inyimbo zya kwimbila ni vinyenye.

Yoane 11:57

Lelo yasimapepo akalamba na Afaliseo yapile ilamulo kuti umuntu umwi ndi angamanya ukuli Yesu, wene alinzile ayanene kuti yakamuleme.