Danieli 2:9 - Amazwi Yakwe Leza 2013

⁹ ukuvunuka mwensi kwene mu musango uli onga kwene ndi cakuti mutanenyile iciloto. Mwemo mwatimumana akapi kuti munene ivintu vyakumpumbola nupya iviipe, ala mukupaalila ukuti limwi ivintu vimasenuka. Acino lyene munene iciloto cino ninalota, nga lyene nani nimamanya ukuti mungandondolwela muno ciile.”

Danieli 2:9 Iomraidhean Croise

1 Yamwene 22:22

“Yawe nawe awuzya ati, ‘Uzye umaya ukamulyombeleke uti uli?’ Mupasi wasuka uti, ‘Namaya nkaleke yakasema yakwe Aabu yaseme vyaufi.’ “Lyene Yawe avwanga ati, ‘Icisuma, fwandi pitanga kamulyombeleke, nawe amaya akuvwe, akazumile.’ ”

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

Esita 4:11

“Aomvi ya mwene yonsi yamanya ukuti umonsi wensi nanti umwanaci ali wensi, uwala wingila umu musolo wakwisano umukasi, ukwaula ukuti yamwame kweneko, wiyo wene ali nu kufwa. Suka sile manye ndi cakuti umusambazi aliwe wamusonta ni nsonzo yakwe zaabu iya wene lyene angapusuka. Alino nani pano yangamile ukwiza uku musambazi, ala patipapita sile amanda amakumi yatatu.”

Mapinda 12:19

Amazwi ya cumi yakaikalilila umuyayaya, lelo ivyantumpu vyene visilengela.

Ezaya 41:23

Vwangini calimwi tuvwe ivilaya uku nkolelo, apakuti tumanye icipuma ndi cakuti namwe mwemwe tuleza! Si aleni citinipo cimwi icisuma nanti cimwi iciipe, icakuti cituzungusye cituletele ni ntete!

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Ezekelo 13:17

Nupya Yawe anena ne Ezekelo ati, “We mwana wa muntu, apa yantu yako lolapo yamangu aka ituntumba sile ivyakusema. Yanga ukayasoke pali vino yakacita.

Ezekelo 13:19

Mukanzewanya apa manso ya antu yane, apakuti mulole utungano twakwe baale tumwi utwa pikufi, nga nu tumokolwa twa mukate. Pasi pano mukakoma antu atalinzile nu kufwa, nu kupususya atalinzile nu kwikala muno nsi. Mukasomba antu yane yano yatemwa ukuuvwa vyaufi.’”

Ezekelo 13:6

Yakalola ivya uwelewele nu kusowela ivya ntumpu zitupu, ala yakuti nu kuti, ‘Ivyalanda Yawe,’ nalino Yawe atayatumile foo. Nga yataila nu kuti amazwi yao yangafikiliziwa.

Danieli 2:16

Zuwazuwa Danieli aya ku mwene ku kulenga kuti apelwe akasita, pakuti anganena umwene muno iciloto ciile.

Danieli 2:21

Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 2:8

Lyene umwene aasuka ati, “Ntakutwisika ukuti mwemo mukwelenganya ukukwata akasita, pamulandu wakuti mwatimulola ukuti nemo natimpingula

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 5:28

Pelesi: Wene wako watiwankanikana nu kupelwa ku ina Mede na ina Pesya.”

Danieli 5:31

Nga Dalyusi umwina Mede, wino apa nsita ilya wali ni myaka yakuvyalwa amakumi mutanda, apoka cilimba ca wene.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.