Danieli 2:25 - Amazwi Yakwe Leza 2013

²⁵ Lilyo kwene Alioki atwala Danieli ku mwene nga anena umwene Nebukadineza ati, “We mwene, umu azya afuma ku Yuda, natinzana mwenemo umuntu wino angakunena muno iciloto ciile.”

Danieli 2:25 Iomraidhean Croise

Utandiko 41:14

Lyene Falao apeela ilamulo kuti yalete Yosefu, nga yamuleta zuwa ukufuma ku ng'anda yaminyololo. Alino pacisila cakumupeela inyele azula ivizwalo vya anyepwe azwala usaka, nga aiza kuli Falao.

Neemiya 7:6

Yaa ali antu amu muputule wa mpanga yakwe Yuda awelulwike ukufuma mu uzya yano Nebukadineza umwene waku Babiloni walemile nu kuyasenda umu uzya. Cila muntu wawelulwike ku Yelusalemu nu ku Yuda, uku musumba wa kumwao.

Mapinda 24:11

Uwakulula yano yakutwala ku mfwa. Uwapususya yayo yano yakukwekwesya nu kuyatwala uku kuyakoma.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Danieli 1:6

Pali yayo asolwilwe pali Danieli, Hananiya, Misyaeli, nga na Azaliya, nga yonsi kwene yali amu mutundu wakwe Yuda.

Danieli 5:13

Acino Danieli yamuleta ku mwene, nga umwene amuuzya ati, “Uzye wewe uli Danieli, wenga uwamu azya yano tata, umwene waleta ukufuma ku Yuda?

Danieli 6:13

Lyene antu yaya yanena umwene yati, “Danieli, wenga uwamu azya ukufuma ku Yuda, atacindika we musambazi, nanti ukuyela cipope kwene cino wemo walemba. Lelo wene akapepa amaila yatatu umu wanda.”