Danieli 2:23 - Amazwi Yakwe Leza 2013

²³ Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Danieli 2:23 Iomraidhean Croise

Utandiko 18:17

Lyene Yawe aelenganya ati, “Ntalinzile mfise Abulaamu cino nasya ncite.

Utandiko 31:42

Ndi Leza wakwe tata, Leza wakwe Abulaamu na Isaki atali nani, nga wanzinga mpita minwe. Lelo Leza walola ucuzi wane ni ntazi yapa ncito ino naomba. Caleka usiku wilelo wali wakuvunuka pa uyi wako.”

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

1 Yamwene 8:57

We Yawe Leza witu sungala walukuya naswe, wakwe vino wayanga ni vikolwe vitu. Cingazipa ukuti utatutazyela nanti ukutufutatila.

1 Milandu 29:10

Davidi alumbanya Yawe apa manso ya antu yonsi akongine. Avwanga ati, “We Yawe Leza wakwe Izlaeli icikolwe citu, si antu yakulumbanye umuyayaya.

1 Milandu 29:13

Acino lyene, we Leza witu, tukukutaizya, nu kulumbanya izina lyako ilyalulumbi.”

2 Milandu 20:6

Alino avwanga ati, “We Yawe Leza wa vikolwe vitu, uzye wewe usi uli Leza wa mwiyulu? Uzye usi wewe wateekanga nu kupingula yamwene ya mitundu yonsi iya antu? Mu minwe yako mwaya amaka nu lulumbi icakuti kusi nanti wenga angacimvyanya nawe.

Masamu 21:2

Wemo wamupiile ivyalondanga umwenzo wakwe. Utamwimile vino akanwa kakwe kalenzile.

Masamu 21:4

Wene walenzile uumi, nga nawe wamupeela. Wemo watantalizya na manda yakwe umuyayaya.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Masamu 50:14

Ukuntaizya ne Leza, lekini akuno kuye impolelwa ya kuntuula, nu kufikilizya ulayo uno mukandaya ne Leza mukulu.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Mapinda 21:22

Umuntu wamano akakwela ilinga umwaya ivita, aongolola ulupango luno vyataila mwenemo.

Mapinda 24:5

Umuntu wamano waluta uwamaka, nu mwiluke waluta umusambazi.

Mapinda 8:14

Nene ndi ciinda akapanda amano, umweneco wa mano ampomvu. Anene wakutaila pano nkauvwikisya ningo ivintu, nupya inkweti na maka avule cuze.

Kasambilizya 7:19

Amano yakalundulwila umuntu amaka ukuluta amaka yano yakateeka ya misumba ikumi yakwata.

Kasambilizya 9:16

Lyonsi nkalanda ukuti amano yazipa ukuluta amaka. Lelo kutaya umuntu nanti aumwi akaelenganya ukuti apina nayo kwene yakwata amano, nanti ukusumba amano kuli vino yakataka.

Kasambilizya 9:18

Amano yazipa ukuluta ivyanzo vya nkondo, lelo kaifya wenga angonona ivisuma ivingi.

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Danieli 2:18

Lyene Danieli ayakonkomezya kuti yapepe kuli Leza wa kwiyulu kuti aye na mizu kunoyali nu kumulenga kuti ayalondolwele inkama pakuti yatakomwa kumwi na yampandamano amu Babiloni.

Amosi 3:7

Cumi kwene Yawe asicita icintu nanti cimwi ukwaula kuumbula uteyanyo wakwe, kuli yakasema aomvi yakwe.

Mateo 11:25

Pa kasita kaka Yesu avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile.

Luka 10:21

Pa kasita kaka Yesu azanga cuze kupitila mu maka ya Mupasi Wamuzilo, nga avwanga ati, “Tata, Mwene wi yulu ni nsi! Nakutaizya pano watusokolola ku antu atasambilila cino wafisa ku antu yamano na asambilile. Endi Tata, cii acino walondanga kuti cicitike.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Yoane 15:15

Ntalamwama wa yaomvi nupya pano muomvi asimanya cino mwene wakwe akucita. Lelo nkamwama yacuza, pano nati munena vintu vyonsi vino nuvwile kuli Tata.

Umbwilo 1:1

Mu lupapulo luu mwalembwa vicitwa vino Yesu Klistu waumbwile. Leza wamupile umbwilo pakuti alange aomvi yakwe vintu ivili nu kucitika zuwa. Klistu watumile mungeli wakwe ni landwe lya kuumbula kuli Yoane muomvi wakwe.

Umbwilo 5:5

Lyene wenga uwamu ikolo anena ati, “Utalila. Lola! Cisama uwamu mutundu wakwe Yuda, umukulu uwamu mupanda wakwe Davidi, wene watacimvya nupya angalematula vimanyililo cinimbali nu kuyula lupapulo.”