Danieli 2:22 - Amazwi Yakwe Leza 2013

²² Wene akasokolola ivintu ivizike nupya vya nkama. Wene amanyile ivyafiswa mu mfinzi, nu luswepo lwamuzinguluka monsi.

Danieli 2:22 Iomraidhean Croise

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

Yobo 12:22

Aliwe akasokolola apaswe ivicitwa vyamu mfinzi, nu kuleka umufitisye fii muswepe swee.

Yobo 26:6

Impanga ya afwe yaya apa swe lwakwe Leza, ni lovyo nalyo kwene lyaya pambiliwili.

Masamu 104:2

Wemo waya mu luswepo. Watangalalika ni yulu wi taalu,

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Kasambilizya 8:1

Uzye aweni uwaya wa muntu wamano? Uzye aweni uwamanya usenulo wa vintu vii? Amano yakalenga kuti umuntu asansamuke, nupya amano yakalenga kuti inkansi zisenke apa usyu.

Ezaya 41:22

Izini kuno mwize mulandile calimwi ivilaya uku nkolelo. Londolwelini icilye, tuvwe ivyaliko uku mpiti, tuvwe muno vilozile.

Ezaya 41:26

Aweni pali mwemwe angatulandila vivyo calimwi nanti ukutunena calimwi ukuti cico cilacitika, icakuti naswe pano tuli twasininkizya ukuti cumi cumi wene walungike? Ala koto! Patatala paya nanti wenga uwakuti alandile cico calimwi, nupya kutaya nanti wenga wino uvwapo kuno mwe tuluwi mwavwangapo cimwi.

Ezaya 42:9

Lolini, ivintu vino nasowile mpiti ali vino vikucitika. Lelo nemo namakunenela calimwi ivintu vipya, nanti sile lino vitali vicitike.”

Ezaya 45:7

“Anene napanga uluswepo ni mfinzi, nkaleta ulongo nga nu uzanzo. Ne Yawe nkacita vii vyonsi.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Yelemiya 33:3

We Yelemiya, ndaizya sile nani namakwasuka, namakunena ni milandu ikulu nupya iyankama ino wemo utamanya.

Danieli 2:11

Cintu cino we mwene ukuuzya ala icikome wakwe cimwi cakuti kusi umuntu nanti wenga angakulotwela suka sile yaleza, nga nayo yasiikala apakasi ka antu.”

Danieli 2:19

Lyene usiku ulya uli umwi kwene inkama ilya yasokolwilwe kuli Danieli mu cilolwa, nga nawe alumbanya Leza wa kwiyulu

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Danieli 5:11

Mu wene wako muli umuntu wino akweti umupasi wakwe yaleza amuzilo. Mu manda yakwe so wene wazanyilwe ukuti umulamoke nupya umucenjele nu wa mano wakwe yaleza yaya. We Mwene Nebukadineza, so, wamulasike ukuya umukalamba wa mamanyamano, na yakasapoola, na yao akasambilila vikumile intanda na yao akauzya ku mipasi.

Danieli 5:14

Nuvwa ukuti umupasi wakwe yaleza amuzilo uli munuli nga nu kuti wemo walamoka, wakwata umanyililo nga na mano akuzunguka.

Mateo 13:13

Pamulandu kwene uu, nkavwanga kunoyali mu milumbe, pano yangalolekesya lelo yatangalola ningo, nu kuvwa yanguvwa lelo yatangamanya.

Yoane 1:9

luswepo lwa cumi lukakozya muno nsi pa antu onsi.

Yoane 21:17

Yesu amuuzya iila lyakwe citatu ati, “We Simoni mwana wakwe Yoane, uzye wantemwa?” Petulo auvwa ulanda pano Yesu wamuzya iila lyakwe citatu ati, “Uzye wantemwa?” Alino Petulo amunena ati, “Mwene wamanya vintu vyonsi. Wamanya vino nakutemwa!” Alino Yesu amunena ati, “Uwalisya mfwele zyane.

Yoane 8:12

Nupya Yesu anena Afaliseo ati, “Nemo nene luswepo lwa antu amu nsi. Wino wensi wandondela, wene atalapita mu mfinzi lelo alaya nu luswepo lukatungulula ku umi.”

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.

Efeso 3:5

Mu manda yampiti kutali umuntu nanti wenga uwamanyile nkama ii, suka lino Mupasi Wamuzilo waisokolwile ku atumwa na yakasema.

Malango 29:28

Yawe wasosile cuze, alino nu ku ukali wakwe ukulu ayafumya nu mu mpanga yao, nga ayazingila mu mpanga ya inamasi mumo muno yakwikala ukufika na pilelo.’

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

1 Yoane 1:5

Ilandwe lino tuvwa kufuma ku Mwana wakwe nupya lino tukumunena kuti Leza ali luswepo, nga munoli mutaya mfinzi nanti panono.