Danieli 2:21 - Amazwi Yakwe Leza 2013

²¹ Wene akaangalila utusita ni viputulwa vya mwaka, akalasika antu apa wene nu kuyasisya penepo. Aliwe kwene akapeela amano ku antu yamano, nu kumanya kuli yayo akailuka.

Danieli 2:21 Iomraidhean Croise

1 Yamwene 10:24

Antu yonsi amu nsi yalondanga ukuya kuli Solomoni pakuti yamanye amano yano Leza wamupeela.

1 Yamwene 3:28

Lino antu yonsi amu Izlaeli yuvwa upinguzi uno umwene wapingwile, iyatandika ukoopa umwene, pamulandu wakuti yaweni ukuti akweti amano ukufuma kuli Leza akulungika umu kuputula kwa milandu.

1 Yamwene 4:29

Leza wapile Solomoni amano nu kulamoka ukutanga pimwa wa musensenga uwamu nkumba yakwe yemba.

1 Milandu 22:12

Si Yawe akupeele ukwiluka na mano, pakuti wateeka aina Izlaeli ukulingana na masunde yakwe Yawe Leza wako.

1 Milandu 29:30

Ivyalembwa vivyo vikalanda pa musango uno wene wateekilemo, na maka yano wakweti nga ni vintu ivyamucitikile, ni vyacitikile uluko lwa Izlaeli, kumwi ni mpanga zyuze ukuzinguluka.

Esita 1:13

Calenzile umwene aame antu yamano yano yamanyikisye amasunde, pano ali vino umwene wacitanga pakupandwa amano ku antu amanyikisye amasunde nu upinguzi.

Yobo 12:18

Aliwe akapokolola aene amaka yawene nu kuyacita antu yasilesile.

Kufuma 31:3

Wiyo, natindenga Mupasi wane kuti azule munoli. Natindenga kuti aye a fundi wa mano nupya mulamoke mu milimo yonsi wakwe vii.

Kufuma 31:6

Nupya nasolola na Ooliyabu umwana wakwe Aisamaki, uwamu mutundu wakwe Dani, kuti amwazwilizya. Nupya yafundi yonsi ndalenga kuti yaye na mano avule cuze, cakuti yatange yaposiwe kupanga icintu icili consi cino ningakupeela ilamulo kuti antu yao yapange.

Danieli 1:17

Caleka Leza apeela alumendo yaa yani amano nu kwiluka kwa misango yonsi ya vyalembwa na masambililo. Ukulunda pali cico, apeela Danieli amaka akulondolola ivilolwa ni viloto vya misango yonsi muno viile.

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Danieli 11:6

Apacisila ca myaka imwi, umwene waku Eguputo alalemana nu mwene waku Silya nu kumupomela umwana wakwe umwanaci. Lelo kulemana kwao kutalatwalilila awe. Wene, nu muci wakwe, nu mwana wakwe, kumwi na aomvi yano yamusukilile, yonsi kwene yalakomwa.

Danieli 2:20

avwanga ati, “Lumbanyini Leza amanda pe! Wene uwamano nupya waya na maka.

Danieli 2:23

Nkukutaizya nu kukulumbanya, we Leza wa vikolwe vyane. Wemo wampeela amano na maka. Watuasuuka ni pepo lyane nu kutulanga vyakuti tukanene umwene.”

Danieli 2:9

ukuvunuka mwensi kwene mu musango uli onga kwene ndi cakuti mutanenyile iciloto. Mwemo mwatimumana akapi kuti munene ivintu vyakumpumbola nupya iviipe, ala mukupaalila ukuti limwi ivintu vimasenuka. Acino lyene munene iciloto cino ninalota, nga lyene nani nimamanya ukuti mungandondolwela muno ciile.”

Danieli 4:14

Alino alaizya ni zwi likulu ati, ‘Sinda icimuti nu kusankola imisambo yakweco. Ucipulule na mafwa nu kusansanta iviseekwa vyakweco. Zinga inyama zino zikuuwa mwenemo kumwi ni vyunyi ivili mu misambo yakweco.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:22

“Musambazi, wewe uli cimuti cici, citali nupya camaka. Wemo watuya umukulu wakwe cimwi cakuti ukulu wako wafika nu mwiyulu, na maka yako autesi yafika nu ku mpanga zyakutali umu nsi yonsi.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Loma 13:1

Muntu wensi alinzile kuyela maka yakwe yakateeka, pano kutaya uteko utafuma kuli Leza. Mauteko yonsi akwe Leza, uwayasonta.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Umbwilo 19:16

Pa mwingila wakwe na pa lupamba lwakwe palemvilwe zina lino likati, “Kateeka wakwe yakateeka nu Mwene wakwe yamwene.”