Danieli 2:20 - Amazwi Yakwe Leza 2013

²⁰ avwanga ati, “Lumbanyini Leza amanda pe! Wene uwamano nupya waya na maka.

Danieli 2:20 Iomraidhean Croise

Utandiko 14:20

Leza wapapelapela uwakupezile ukucimvya pa anisi yako alumbanyiwe.” Lyene Abulamu apeela Mekisedeki icikumi ca muli vyonsi vino wapokolwile.

1 Yamwene 8:56

“Lumbanyini Yawe, wiyo uwapile antu yakwe aina Izlaeli ukwikala ku matwi cele ndi muno we mweneco walavile. Awewe wasunga ulayo wako onsi utaizipila, vino walavile umuomvi wako Mose.

1 Milandu 29:20

Lyene Davidi anena antu akongine yonsi ati, “Lumbanyini Yawe Leza winu.” Acino antu yonsi iyalumbanya Yawe, Leza wa vikolwe vyao. Yakontama nu kucindika Yawe nga nu mwene kwene.

2 Milandu 20:21

Lino yatandika ukuuzyanya pakasi kao, alino yasozile yamwi akwimbila nu kulumbanya Yawe, yene ala yatiyazwala ivitiswe, na yakatungulula ala yakuvwanga yati, “Lumbanyini Yawe, pano ulukundo lwakwe lusisila, lelo ulwa manda pe.”

Neemiya 9:5

Alino aina Levi yaa, Yesyua, Kadimiyeli, Bani, Hasyabineya, Syelebiya, Hodiya, Syebaniya na Petaya iyavwanga iyati, “Katukini nu kulumbanya Yawe Leza winu. Mulumbanyini amanda pe! Kalicindikwe izina lyakwe lyamuzilo, nanti angala kusi umuntu angaulumbanya icifumaluke.”

Yobo 12:13

Lelo Leza aliwe waya na maka nga na mano. Tungapandwa amano nu kusambilila umpandamano kunoli.

Masamu 113:1

Lumbanyini Yawe! Lumbanyini Yawe mwe yaomvi yakwe, lumbanyini izina lyakwe Yawe!

Masamu 113:2

Yawe kacindikwe ukutandika ilelo, ukufika na manda onsi.

Masamu 115:18

Lelo swemo swe apuma, sweswe katwalumbanya Yawe ukutandika ilelo kwene mpaka na manda pe. Lumbanyini Yawe!

Masamu 147:5

Umwene witu umukulu nupya uwamaka. Amano yakwe amuntapimwa.

Masamu 41:13

Lumbanyini Yawe, Leza wakwe Izlaeli. Kalumbwe ilelo pe na pee! Ciye vivyo kwene! Ciye vivyo kwene!

Masamu 50:23

Wiyo akantula impolelwa ya kuntaizya, aliwe akancindika. Wiyo akanjela, ali wino ne Leza ndatuula!”

Masamu 62:11

Kwaya sile icintu conga cino Leza akakonkowezya penepo, cino nani namasambilila mwenemo ivintu viili. Acico icakuti, wewe Leza uli mweneco wa maka,

Mapinda 8:14

Nene ndi ciinda akapanda amano, umweneco wa mano ampomvu. Anene wakutaila pano nkauvwikisya ningo ivintu, nupya inkweti na maka avule cuze.

Yelemiya 32:19

Kunuli wakula wakwe cimwi mu vicitwa vyako. Ala wewe musambazi mu vicitwa vyako vyonsi.

Ezekelo 28:3

Wemo ukwelenganya ukuti wewe wamano ukuluta Danieli cakuti kusi inkama izingafiswa kunuli.

Mateo 6:13

Utaleka tuponele mukweziwa kukome lelo ututuule ku Mwipe wilya.’

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.

Umbwilo 5:12

Nupya imvile lwimbo ni zwi likulu yati, “Mwana wa mfwele wino uwakomilwe wene wazipilwa ukupelwa maka, icuma, mano, ulamba, mucinzi, lulumbi nu kulumbanyiziwa!”