Danieli 2:2 - Amazwi Yakwe Leza 2013

² Acino umwene atuma akuya aama amamanyamano, yakasapoola, alozi na yayo akasambilila vikumile intanda kuti yize yamunene iciloto cino walosile. Lino yene yiza yimilila inkolelo ku mwene,

Danieli 2:2 Iomraidhean Croise

Utandiko 41:8

Lino kwaca katondo Falao asakamala cuze. Caleka aama amamanyamano na antu yamano yonsi amu Eguputo nga ayalotwela viloto, lelo kutali nanti wenga wakuti angilula muno viloto viile.

Esita 1:13

Calenzile umwene aame antu yamano yano yamanyikisye amasunde, pano ali vino umwene wacitanga pakupandwa amano ku antu amanyikisye amasunde nu upinguzi.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Ezaya 19:3

Nemo namaya ku kuvulunganya aina Eguputo, nu kuyatovola. Lyene yamauzyanga utuluwi twao pakuti tuyazwilizye. Yamauzyanga yakasapoola, nu kwezya ukupandwa amano uku mipasi ya afwe.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Danieli 1:20

Mu vintu vyonsi ivikumile amano nu kwiluka vivyo vino umwene wayuzyanga, wazananga ukuti alumendo yaa yani yalusile amaila ikumi amamanyamano yonsi kumwi na yakasapoola amu wene wakwe onsi.

Danieli 1:4

mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Danieli 2:10

Yampandamano yaya pali pakwasuka yati, “We musambazi, kusi nanti wenga apa mpanga ya pano pansi wino angakunena vino ukasi kumanya. Kusi umwene nanti wenga uwamaka, wino watala uzya yakasapoola, na mamanyamano, na alozi, icintu camusango ndi uu.

Danieli 2:27

Danieli aasuka ati, “Musambazi, kusi umulozi, nanti mumanyamano wenga, nanti akasapola, nanti mpandamano wino angakunena cico.

Danieli 3:8

Apa nsita kwene ilya aina Babiloni yamwi yiza inkolelo nu kupeela Ayuda umulandu.

Danieli 4:3

Ala ivizungusyo vino Leza watulanga ivikulu! Ala ivinjelengwe vino wene akacita ivyamaka! Leza ali mwene wa manda pe. Wene amateekanga insita zyonsi.

Danieli 4:6

Acino napiile ilamulo kuti yandetele antu yamano yonsi amu Babiloni pakuti yanene muno iciloto ciile.

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

1 Samueli 6:2

aina Filisti iyama yasimapepo yao pamwi na yakasema nu kuyuzya iyati, “Uzye tungacita uli pa Mbokosi ya Upangano yakwe Yawe? Tunenini vino tungacita apakuiswilizya kuno yafuma.”