Danieli 12:7 - Amazwi Yakwe Leza 2013

⁷ Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Danieli 12:7 Iomraidhean Croise

Yobo 27:2

“Nemo nalapa nati, ‘Leza umwiyulu wiyo Wamaka yonsi, wene uwakana ukunjelela nu kuleka umi wane usasile.

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Ezekelo 20:5

Yanene vino namalanda. Lino nasolwile aina Izlaeli, nemo nalavile ana yakwe Yakobo, indundapo nu kulapa. Nupya mu Eguputo nemo naisokolwile kunoyali nu kuyanena ukuti nene indi Yawe Leza winu.’

Danieli 10:5

Insanzula amanso nga ndola umuntu umwi ala azwite insalu isuma itelepelele nga nu musipi wakwe zaabu.

Danieli 11:13

“Umwene waku Silya alaswililamo nga alakonganika impuka ikulu ya vita ukuluta ino wakweti inkolelo. Apacisila ca myaka imwi, wene alawela ni mpuka ikulu ya vita ino ilaipangasya ningo.

Danieli 12:6

Wenga auzya umuntu uwazwite insalu itelepelele, wiyo uwali lwa kupela ya luzi ati, “Uzye ukufika lilaci lino ivintu vii vyakuzunguka vilafikiliziwa?”

Danieli 12:8

Nani inuvwa vino wene walanda, lelo ukwaula kuti niluke. Acino imuzya inti, “Musambazi, uzye icintu cii cilafika uli uku mpela?”

Danieli 4:31

Lino atali amamule akanwa nu kulanda amazwi yaa, izwi lyuvwika ukufuma umwiyulu liti, we mwene Nebukadineza, uvwa vino nkulanda! Ndakai amaka yako awene yapokololwa kunuli.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 7:21

Lino ncili lola, ulupembe lulu lwalwisizye antu yakwe Leza nu kuyacimvya.

Danieli 7:25

Wene alavwanga amazwi yamiponto kuli Leza Wapapelapela nu kuzunya aswepe yakwe. Wene alezya kusenula insita na masunde ya upefi, nga antu yakwe Leza yalaya mu makasa yakwe apa myaka itatu na citika.

Danieli 8:14

Nuvwile kuno mungeli muze akwasuka ati, “Kulatwalilila apa myaka 2,300 cila manguzi na katondo, lilyo lino impolelwa zitalapeelwa. Lyene Ng'anda ikulu yakwe Leza ilaweziwa.”

Danieli 8:24

Wene alaya umukome wakwe cimwi, lelo asi ku maka yakwe. Wene alaleta uononesi uwipisye nupya alafikilizya vyonsi vino alacita. Wene alaleta uononesi apa antu yamaka na antu yakwe Leza kwene.

Luka 21:14

Caleka manyini ukuti lino nsita itali ifike mutakalanguluke pali vino mulavwanga,

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

Malango 32:40

Icumi kwene anene Leza wa umi, nkakatusya ikasa lyane papela nu kulapa

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

Umbwilo 12:14

Mwanaci wapilwe maapa yaili yakwe lyang'anda kuti apapuke aye ku ncende yakwe mu lwanga. Mu amuno alasungwa ningo pa myaka itatu na citika, ukoopa kuti cizoka cingamonona.

Umbwilo 12:6

Mwanaci nawe autukila ku lwanga, ku ncende ino Leza wamuteyanyizizye kuno wasunzilwe pa manda izimbi lyonga myanda iili na makumi mutanda (1,260).

Umbwilo 13:5

Cilyanyi cizumiliziwa kuvwanga mazwi akuilumba nupya a miponto kuli Leza. Nupya cizumiliziwa kuti ciye na maka akuteeka kulingana ni myezi makumi yani na iili.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.