Danieli 12:4 - Amazwi Yakwe Leza 2013

⁴ Lyene wene anena ati, “Lelo wemo, we Danieli, kupika ulupapulo nu kwikapo icimanyililo ukufika uku nsita ya mpela ya nsi. Pali ndakai, antu avule yamaezyanga ukumanya ivikucitika.”

Danieli 12:4 Iomraidhean Croise

Ezaya 11:9

Apa Mwamba wamuzilo patalaya nupya ivya uluku uluku, nanti ivya ononyi, apamulandu wakuti impanga ilazuula mwenemo amano akumanya Yawe, ndi vino yemba wazula mwenemo amanzi.

Ezaya 29:11

Ukulola ivilolwa vyonsi vino kasema akalola, mwemo cimakananga ukumunena kweneko. Ukulola ivilolwa kunomuli, cimalolekanga kwati akalata wino yatiyapeta, umufungililwe uku nsimbi. Ndi mwamutwala ku muntu umwi wino wamanya ukuwelenga apakuti awino amuwelenge, umuntu wiyo angaya akamunene sile ati, “Awe nemo naposiwa pano kalata wii umufungililwe ni nsimbi.”

Ezaya 30:26

Umwezi ulawala kwati ali lanzi kwene, alino ilanzi lilawalisya ukuluta mu cipimo. Uluswepo lwakasanya lulaya ungati ulwa manda cinimbali, alino lyene lwize lwakile capamwi pa kasanya kali konga kwene! Vivyo vyonsi vilacitika lino Yawe alanyepela antu yakwe ivilonda vino wayaletile pakuti vingapola.

Ezaya 32:3

Lyene amanso yakwe yayo akalola yatalazyata awe, na makutwi yakwe yao alalondesya kuuvwa yalakomoka.

Ezaya 8:16

Alondezi yane yamasunganga imilandu ino Yawe wankonkomezya.

Yelemiya 5:1

“Mwe antu amu Yelusalemu, simulini mu miseo inu! Mucelecensye nu kuilolela! Mulondelezye umu misolo yonsi iyaya mwenemo, tulole ndi cakuti mumazanamo umwi wino akacita visuma nu kwezya ukuya wacumi kuli Leza. Ndi kungaloleka umuntu umwi, wino angaya wacumi kuli Leza, ale lyene ndelela umusumba uu wa Yelusalemu.

Danieli 10:1

Mu mwaka wakwe citatu wakuteeka kwakwe Kilusi umwene waku Pesya, uumbwilo wapilwe kuli Danieli (wino watemilwe izina lyakuti Belitesyazali). Ilandwe lyauko lyali lyacumi lelo lyali ilitale wakwe cimwi ukuvwa. Lyene lyalondolwilwe kuli Danieli mu cilolwa.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 10:21

Lelo inkolelo namatala nkunene ivyalembwa mu Lupapulo lwa Cumi. Kusi umwi uwakungazwa, suka sile Mikaeli, umungeli wino akalinda Izlaeli.

Danieli 11:33

“Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Danieli 11:40

“Lino insita yakusyalikizya ya mwene waku Silya ilafika, umwene waku Eguputo alamuzanza, nga umwene waku Silya nawe alaipokolola ku maka yakwe yonsi, ale akuomvya amaceleta, imfwalasi, nga ni vimawato ivivule. Wene alazanza impanga izivule, nu kusalalamo ungati a mulamba wa mukuku.

Danieli 12:13

“Nga nawe, we Danieli, ulinzile kuya wacumi kufika nu kumpela. Alino lyene ulafwa, lelo apa mpela ya nsita ulazyukuka kuti upokelele caupyanyi cako.”

Danieli 12:5

Lyene ne Danieli indola antu yaili ala yaimi umu mbali ya luzi, wenga apa cituntu conga nu muze apa cituntu cuze.

Danieli 12:9

Nawe pali pakwasuka ati, “We Danieli, ulinzile kupita, pamulandu wakuti amazwi yaa yalinzile kusungwa inkama nu kufiswa mpaka uku mpela ya nsita.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”

Danieli 8:19

Alino avwanga ati, “Nkukulanga vino ivilatumbuka mu ukali wakwe Leza vilaya. Icilolwa cikumile insita iyasontwa yampelelekezyo.

Danieli 8:26

Cilolwa cii ca pamulandu wa mpolelwa zya manguzi ni zya katondo cino calondololwa kunuli cilafikiliziwa. Lelo usunge inkama ya ciko, pamulandu wakuti cilasenda insita ntali lino citatala cafikiliziwa.”

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Umbwilo 10:4

Lilyo kwene lino kupangalansya kwasila, nali pipi nu kulemba vino vyalanzilwe. Lelo nuvwa izwi kufuma mwiyulu likunena liti, “Sunga inkama pali vino kupangalansya cinimbali kwati kulanda. Utalemba!”

Umbwilo 22:10

Alino anena ati, “Utafisa mazwi yaa ausemo uwamu lupapulo luu, pano insita yati palama lino vii vyonsi vilacitika.

Umbwilo 5:1

Nupya naweni lupapulo mwi kasa lilunji lyakwe wino uwatenzi pa cilimba ca wene. Lwene lwakweti amalembo kulimvya imbali zyoili zyakwelo. Lwene lwalematikwe ni vimanyililo cinimbali.