Danieli 12:10 - Amazwi Yakwe Leza 2013

¹⁰ Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.

Danieli 12:10 Iomraidhean Croise

Masamu 107:43

Uwa mano lekini asambilile cico, nu kwiluka kailuke apa kutemwa kwakwe Yawe ukwa muntaputuka.

Masamu 51:7

Umfule na manzi yako, inswepe, umfule nu mwenzo wane uswepe na mpee.

Mapinda 1:5

Lekini antu yamano nayo yalunduluke ukumanya umwalola amapinda ni mvwango zya wile, nga nu kuyalundilako amalango nu kulangilila asambilile intunga yampomvu,

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 47:11

Lelo amanzi yamu nyika nu muvilambe yatalaya amanzi asuma. Yalasyala amanzi amusilya.

Danieli 11:33

“Intunguluzi zya antu zyamano zilapandana amano na antu yauze avule. Lelo pa kasita kanono yamwi muli alio yalakomwa umu nkondo nanti ukuyoca mpaka yafwe, nga na yamwi yalayiila ivintu nu kuyasumbila mu ng'anda ya minyololo.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Danieli 12:3

Antu akwata amano nayo yalaengesa wa kuswepa kwa mwiyulu, nga na yayo asambilizya antu avule ukucita ivisuma yalaengesa wa ntanda amanda pe.”

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Malaki 3:3

Wene aliza ku kupingula wa muntu akaswefya zaabu. Wene alasangulula nu kuswefya aina Levi ndi vino umuntu akaswefya zaabu na siluva. Alino lyene yalaleta amawila asuma kuli Yawe.

Mako 4:11

Yesu nawe ayanena ati, “Mwemo mwapelwa amano ya kumanya nkama zya Wene wakwe Leza. Lelo yano asyala yene yakauvwila mu milumbe,

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Yoane 18:37

Caleka Pilato amuuzya ati, “Uzye lyene wewe Mwene?” Yesu aasuka ati, “Watuvwanga vino nene Mwene. Navilwe nga nu kwiza mu nsi pamulandu onga sile wakuti ndande pamulandu wa cumi. Wino wensi waya uwa cumi wene akauvwa mazwi yane.”

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Yoane 8:47

Muntu wakwe Leza akauvwa mazwi yakwe Leza. Mwemo musi yakwe Leza, na pamulandu kwene uu acino musyakuvwila.”

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 12:10

Akwasi itu, yatata yatusundanga pa nsita inono ndi vino cayazipile kucita. Lelo Leza akatusunda kuti vintu vituzipile pakuti tukakumeko ku muzilo wakwe.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

Umbwilo 16:11

nga yavwanga mazwi ya miponto kuli Leza wa kwiyulu, pamulandu wa kuwaya kwa vilonda vyao. Lelo yatazenzwike nu kuleka miyele yao iipe.

Umbwilo 19:14

Vita vya mwiyulu vyamulondile vila vikwezile pa mfwalasi zitiswe, nupya vyazwite nsalu ziswepe nupya zitiswe.

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

Umbwilo 22:11

Wino wensi uwa nkota lekini atwalilile kucita inkota, umukowele atwalilile ukuya mukowele. Wino wensi musuma nawe atwalilile kucita visuma, na wino wensi uwamuzilo atwalilile kuya uwamuzilo.”

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.

1 Samueli 24:13

Wakwe vino umuvwango wampiti ukati, ‘Umuti wiipe ukaseeka ivizao iviipe,’ acino ntalakucitila cimwi iciipe.