Danieli 11:16 - Amazwi Yakwe Leza 2013

¹⁶ Umuzanzi waku Silya alayacita consi cino akasi, ukwaula kuti yamulesye. Wene alikala mu mpanga yalaiwa nga ilaya mu maka yakwe sutu.

Danieli 11:16 Iomraidhean Croise

Ezaya 8:8

Yaliza yapongwele impanga ya Yuda nu kuiunzya mpaka antu yamwele ukufika nu munsingo zyao. Mulamba wiyo alalimba impanga yako yonsi, Iye, we Imanueli!”

Yelemiya 3:19

“Nene nenga ne Yawe nelenganya vino ningakwingizya mu lupwa lwa ana yane, nu kukupeela impanga ya luzango. Cico icisuma ukuluta ni mpanga zyonsi izyaya panonsi. Nelenginye ukuti uwangama wakwe so, nu kumfutatila utalamfutatila, utalata nu kundondela.

Danieli 11:3

“Lyene kulaloleka umwene wamaka. Wene alateeka uwene ukulu nu kucita consi cino akasi.

Danieli 11:36

“Umwene waku Silya alacita ndi vino akasi. Wene alaitakizya ukuti umukulu kuluta Leza ali wensi, nupya alusile Leza Wapapelapela. Wene alacita cico ukufika lino Leza alamuvunuka. Leza alacita ndi mumu kwene muno wetetwile ukucita.

Danieli 11:41

Alazanza ni mpanga kwene iyalaiwa nu kukoma antu imintapendwa, lelo antu amu mpanga ya Edomu, ni ya Moabu, nga ni ncende yasyalapo umu mpanga ya Amoni yalapuuka.

Danieli 11:45

Wene alasimpa na mataalu yakwe aku wene apakasi kakwe yemba nu mwamba apa kuulwa Ng'anda ikulu yakwe Leza. Lelo wene alafwa, nga kutalaya umwi kuku uwakumwazwilizya.”

Danieli 5:19

Wene wali umukulu cakuti antu amu nko zyonsi, ni misango yonsi ni ndimi yamoopanga nu kuzakaza. Ndi wene walonda kukoma ali wensi, ala amamukoma. Ndi walonda kuti umwi atakomwa, ala cimaya vivyo kwene. Wene wacindamikanga nanti kusausya ali wensi wino akasi.

Danieli 8:4

Nalolekisye suuku wilya akusimula mu mwata wa kukunula ulunga nu ku uwondaka, ku katutu, nu ku kayeya. Kusi inyama imwi ino ingamulesyanya, nanti kuipususya ku maka yakwe. Wene wacisile ndi vino camuzanzizye nga wali ni cilumba.

Danieli 8:7

Naweni kuno wene akukunula suuku. Wene wali umusoke wakwe cimwi cakuti amupuma nu kuvuna impembe zyoili. Suuku atakweti amaka akuitasya. Yamutamile pansi nu kumulyatola, nga kutali umwi uwa kumutuula.

Danieli 8:9

Mu lupembe longa apa mpembe zizi zini mwafumile akalupembe, kano kalundulwike mu maka mpaka ukufika ku kayeya nu ku ufumondaka mpaka nu ku mpanga yalaiwa.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.