Danieli 10:16 - Amazwi Yakwe Leza 2013

¹⁶ Lyene mungeli wilya, uwalolike wa muntu, atambika ikasa lyakwe nu kunkumya apa milomo. Alino nani ntandika kuvwanga, imunena inti, “Musambazi, cilolwa cii caticintembola cakuti ntangata ukuzakaza.

Danieli 10:16 Iomraidhean Croise

Kufuma 4:10

Lelo Mose anena Yawe ati, “Awe Yawe, utantuma. Nemo ntamanya kuvwanga ningo ukufuma mpiti, nanti aepa kwene pano utandikile kuvwanga nani. Lulimi lwane lwanyoma nupya nkatitisya.”

Kufuma 4:13

Lelo Mose aasuka ati, “Awe Yawe, napapata tuma umuntu muze.”

Kasambilizya 1:18

Lino wakwata amano avule, na masakamiko nayo ala yavulisya. Lino wamanya ivingi, ukulunda ucuzi.

Ezaya 6:7

Wiza walisintikizya apa milomo yane nga avwanga ati, “Walola, nakukumya cii apa milomo. Fwandi ukwifya kwako kwasila, ni viipe vyonsi vyafuma.”

Yelemiya 1:9

Lyene Yawe atambika ikasa lyakwe, nga ankumya na pa milomo avwanga ati, “Lola, namaika amazwi yane mu kanwa kako.

Ezekelo 1:26

Papela ya cimpingizya pali cimwi calolekanga wa kaliwe kayengese kamutengo, akali wa cilimba ca wene. Alino papela yakwe cico, icikoline wa cilimba ca wene, apapela sile, pali uwalolekanga wa muntu ukuya papela.

Ezekelo 3:27

Lino nemo ndalanda nawe nupya, ali lino ndasapula ululimi lwako, nga nawe ulayanena uti, ‘Yawe Simwandalali akuti, wiyo akauvwa kauvwe, na wino asilonda ukuvwa atuvwa, pano uluko lulo ulutalame.’ ”

Ezekelo 33:22

Amanguzi yalya lino umuntu wiya atatala wiza, ala amaka yakwe Yawe yatiyiza munondi. Lino umuntu wiyo wafisile akatondo, wazanyile Yawe watansapula ululimi, na uciulu wane ala watiusila mpiti.

Danieli 12:8

Nani inuvwa vino wene walanda, lelo ukwaula kuti niluke. Acino imuzya inti, “Musambazi, uzye icintu cii cilafika uli uku mpela?”

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 7:15

Ne Danieli naaziwe mu mwenzo, nupya ivilolwa vii vyansakamike wakwe cimwi.

Danieli 7:28

Kuu kuli kumalila kwa ulondolozi. Nuvwile intete cakuti nu usyu wane walolike usakamale, lelo ntanenyile umwi umulandu uu.

Danieli 8:15

Lino ne Danieli nalolekisye icilolwa nu kwezya ukwiluka, lilyo kwene kuloleka umwi ala aimi apa nkolelo yane.

Danieli 8:17

Lyene lino Gabilieli wizile aimilila apipi na pano naimi, nuvwile intete wakwe cimwi nga impona pansi. Alino anena ati, “We mwana wa muntu, iluka ukuti icilolwa cikumile insita ya mpelelekezyo.”

Danieli 8:18

Lino acili akulanda, impona pansi ala na mano yatiyapaama. Lelo Gabilieli andema, ankatusya nimilila.

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Luka 1:64

Lilyo kwene lulimi lwakwe Zakaliya lusapuka nawe avwanga, atandika ukulumbanya Leza.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Yoane 20:28

Tomasi amunena ati, “Mwene wane, Leza wane.”

Yoswa 5:14

Nawe amwaasuka ati, “Awe, insi ku lusansa ululi lonsi! Nemo indi pano wakwe musika mukalamba uwa vita vyakwe Yawe.” Yoswa afukama pansi afupime, nga akomela na makufi ati, “Musambazi, nene muzya kunuli. Uzye lyene icani cino ukulonda kuti incite?”

Umbwilo 1:13

lyene pakasi ka vyakutekapo inyali cinimbali pali wino walolike wa mwana wa muntu, ala azwite umwingila uwafisile na pa ngazo zyakwe, nupya wazwite cimusipi cakwe zaabu pa cifuwa.

Yakapingula 13:8

Manoa pali pakupepa kuli Yawe, ati, “Napapata, we Yawe, sungaleka umuntu wakwe Leza wino waliwamutuma aize nupya kuli sweswe, pakuti atusunde vino tulinzile kucitila umulumendo wino alavyalwa.”

Yakapingula 6:13

Gidyoni nawe amuuzya ati, “Uwi! Musambazi! Ndi cakuti Yawe waya naswe, uzye pacani cino imipamba yonsi ii yatuponela? Cili uli fwandi pa vintu vyonsi vino yatata yatunenyile, vino Yawe wacisile pa kuyafumya mu Eguputo? Yawe watatutazyela nu kuleka aina Midyani yatucuzya.”

Yakapingula 6:15

Gidyoni nawe aasuka ati, “We Yawe, uzye ningakulula uli aina Izlaeli? Uluko lwane ululi lutemboke sana mu mutundu wakwe Manase, nupya nene ndi nkwangu.”