Danieli 1:4 - Amazwi Yakwe Leza 2013

⁴ mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Danieli 1:4 Iomraidhean Croise

Utandiko 41:46

Yosefu wali ni myaka yakuvyalwa amakumi yatatu lino watandike kutumikila Falao, umwene waku Eguputo. Ndi Yosefu wafuma umwi sano ala waya ku kutandala konsi mu Eguputo.

2 Samueli 14:25

Kutali umuntu nanti wenga umu ina Izlaeli yonsi wino yangalingana na Abusalomu ku kuyemba. Wene atakweti akaulema nanti kamwi, ukutandikila sile ku mutwe wakwe mpaka na pa kakando.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Kasambilizya 7:19

Amano yakalundulwila umuntu amaka ukuluta amaka yano yakateeka ya misumba ikumi yakwata.

Ezaya 36:11

Alino lyene Eliakimu, Syebina na Yoa iyanena umukalamba wa vita yati, “Tunene umu lulimi lwa Cialamaiki. Tukacuuvwa, lelo utatuvwanzizya mu Ciyebulai, ala na antu yonsi kwene yano uweni api linga yakukutika kuno.”

Yelemiya 5:15

Yawe walanda wati, “Ala mwine mwe ina Izlaeli, anene nemuno nkuleta antu ukufuma ku luko ulwa kutali kuti yize yamulwisye. Yene uluko lumwi ulukome, nupya mwemo mutamanya icilimi cao.

Danieli 2:10

Yampandamano yaya pali pakwasuka yati, “We musambazi, kusi nanti wenga apa mpanga ya pano pansi wino angakunena vino ukasi kumanya. Kusi umwene nanti wenga uwamaka, wino watala uzya yakasapoola, na mamanyamano, na alozi, icintu camusango ndi uu.

Danieli 2:2

Acino umwene atuma akuya aama amamanyamano, yakasapoola, alozi na yayo akasambilila vikumile intanda kuti yize yamunene iciloto cino walosile. Lino yene yiza yimilila inkolelo ku mwene,

Danieli 3:8

Apa nsita kwene ilya aina Babiloni yamwi yiza inkolelo nu kupeela Ayuda umulandu.

Danieli 4:7

Lyene amamanyamano, na yakasapoola, na yao akasambilila vikumile intanda, na yao akauzya ku mipasi yayaleta kunondi, nga nani njanena iciloto cane, lelo yene yaposiwe ukundondolwela muno ciile.

Danieli 5:11

Mu wene wako muli umuntu wino akweti umupasi wakwe yaleza amuzilo. Mu manda yakwe so wene wazanyilwe ukuti umulamoke nupya umucenjele nu wa mano wakwe yaleza yaya. We Mwene Nebukadineza, so, wamulasike ukuya umukalamba wa mamanyamano, na yakasapoola, na yao akasambilila vikumile intanda na yao akauzya ku mipasi.

Danieli 5:7

Lyene umwene apunda kuti umwi amwamile amamanyamano, na yao akasambilila vikumile intanda, na yao akauzya ku mipasi. Nayo lino yiza, umwene ayanena ati, “Ali wensi wino angawelenga ivilembo vii nu kundondolwela muno viile alazwikwa umwingila usuma wa ene, na kamunyololo kakwe zaabu umu nsingo, nga alalasikwa apa cifulo cakwe kateeka wakwe citatu umu wene wane.”

Danieli 9:1

Mu mwaka wakwe conga wakuteeka kwakwe Dalyusi umwana umonsi wakwe Aasuwelo, uwalasikwe uwene waku Babiloni,

Zakaliya 2:4

Umungeli wankolelo wilya anena umuze ati, “Simula ukanene umulumendo wilya wino akweti umwando wakupimilako uti, ‘Mu musumba wa Yelusalemu mulaya antu avule nga ni viteekwa vivule cakuti utalakwata amalinga.’

Milimo 7:20

“Yali ili nsita ino Mose wavilwe, mwana muyembe cuze. Nyina wamulezile ukwakwe pa myezi itatu sile.

Milimo 7:22

Lyene Mose wasambiliziwe mano yonsi amu Eguputo, aya na maka mu kuvwanga nu mu vicitwa.

Efeso 5:27

Wacisile cii kuti aleke iuvi liloleke ilyalulumbi nupya ilyamuzilo, ilyaula mulandu nanti iyala nanti mikwinya nanti ndema zyuze.

Yakapingula 8:18

Lyene Gidyoni auzya Zeeba na Zalemuna ati, “Uzye antu yano mwakomile ku Taboli yalolekanga uli?” Nayo iyamwasuka yati, “Yalolekanga wakwe mwemwe, nupya yonsi yalolekanga wa ana yamwene.”