Ayebulai 9:4 - Amazwi Yakwe Leza 2013

⁴ Muu umwali kavuwa kakwe zaabu pano yocelanga ubani. Mwali (Alaka) mbokosi ya upangano ino yapomilwe na zaabu monsi kwene. Nu mukasi mwisilwe musazi wakwe zaabu muno mwali mana, nsonzo yakwe Aaloni iyawalwile maluwa, nga ni vipampa vya mawe viili ivyalemvilwepo masunde.

Ayebulai 9:4 Iomraidhean Croise

1 Yamwene 7:50

Wapanzile ni ngako zyakwe zaabu musuma cuze, ni vyakuzimizya inyali, ni ngeso zya kukanyizizya, ni mbale ni vifutikilo, alino ni vilemelo vyakulemela ivisasa vyamu Ncende Yamuzilo kuluta nga ni vya visasa vya muputule ukalamba wa Ng'anda ikulu yakwe Yawe. Vyonsi pyu vyapangilwe kuli zaabu.

1 Yamwene 8:21

Alino nupya mu Ng'anda ikulu iyo, ali muno natinika ni Mbokosi ya Upangano muno muli na mawe yaili apapatale, amawe ya upangano uno Yawe yapangine ni vikolwe vitu, lino wavifumizye mu mpanga ya Eguputo.”

1 Yamwene 8:9

Mukasi ka Mbokosi ya Upangano mutali nanti cimwi ukuluta pa vipampa vya mawe viili vino Mose wisile mwenemo, ukufuma ku Mwamba wa Holebu, kuko kuno Yawe wapangine upangano na ina Izlaeli lino yafumile mu Eguputo.

2 Milandu 5:10

Umukasi ka Mbokosi ya Upangano mutaya mwenemo nanti acimwi suka sile amawe yaili apapatale yano Mose wisile mwenemo ukufuma apa Mwamba wa Holebu, lino Yawe wapangine na ina Izlaeli lino yafumile uku Eguputo.

Kufuma 26:33

Ukoweke insalu yakucingilikizya ku tukoweko alino kwi tundu ya nsalu yakucingilikizya wike Mbokosi ya Upangano mukasi ino ikweti vipampa vya mawe yaili. Insalu iyo yakucingilikizya ilapaatukanya Ncende Yamuzilo ni Ncende Yamuzilo kuluta.

Kufuma 31:18

Lino Yawe wamala kuvwanga na Mose pa Mwamba wa Sinai, apeela Mose vipampa vya mawe yaili, vivi kwene vino Leza umwisikulu walemvilepo amasunde ni ikasa lyakwe.

Kufuma 32:15

Mose aika ku mwamba aswilila ala asenzile vipampa vya mawe yaili apalemvilwe amasunde mbali zyonsi zyoili.

Kufuma 34:29

Lino Mose akwika Mwamba wa Sinai, ala asenzile ni vipampa vya mawe yaya yaili vya umboni, atamanyile ukuti mpumi yakwe ikuyengesa pamulandu wa kuvwanga na Yawe.

Kufuma 37:25

Kavuwa kakocelapo ubani yakapanga ni mbao zya muti wa akasya. Kali akalingane mbali zyonsi, mu utali wa kavuwa kali masentimita 45. Mu wipi namo kwene kali masentimita 45, alino ciimo kali masentimita 95. Impembe zyakako zyapangilwe kumwi na kavuwa kako.

Kufuma 39:35

Mbokosi ya Upangano pamwi ni vimuti vyakweyo, alino ni ntupiko ya Mbokosi ya Upangano.

Kufuma 40:3

Mbokosi ya Upangano umuli amawe ya umboni uwike muno kwene, nupya Mbokosi ya Upangano iyo uivimbe ni nsalu pakuti uicingilile.

Aina Levi 16:12

Alinzile kutoola icifutikilo, azuzye makala ya moto ukufuma pa kavuwa. Alino atapule amakufi yaili ya ubani wa cinunkilo cisuma utonyoleke, alino aingile mu nsalu yakucingilila mu Ncende Yamuzilo kuluta.

Mpendwa 17:10

Yawe anena Mose ati, “Swilizya intuwa yakwe Aaloni uyike pa nkolelo ya Mbokosi ya Upangano. Ali pano iyasungilwa pakuti aina Izlaeli yace yaiusya lyonsi ukuti ndi yantalamila, yacita impanzela, yalafwa.”

Mpendwa 17:5

Alino lyene intuwa ino imalemba, ale izina ililemvilwe penepo ali muntu wino nene nasolola. Vii ali vino nene ne Leza winu namaputula ivikanza ivya kuilizyanya ivili pali mwemwe.”

Mpendwa 17:8

Pa wanda uwalondelela penepo, lino Mose akwingila mwenemo, alola ndi vino intuwa apalemvilwe izina lyakwe Aloni, uwamu mutundu wakwe Levi, yatilemba amafwa nupya yatitumba intombo nu kuwalula iluwa kulundapo nu kuseeka iviseekwa ivyakolana na makole, nu kuca vyativica.

Malango 9:11

Endi, pacisila ca manda yalya amakumi yani, usiku nu musanya, ali lino Yawe wampeezile vipampa vivya viili ivya mawe, vipampa vya upangano.

Malango 9:9

Lino nakwezile ku mwamba ku kupokelela vipampa vya mawe ivya upangano uno Yawe wacita namwe, ali lino natenzi pa mwamba amanda amakumi yani, usiku nu musanya. Ntalile icakulya nanti kumwa amanzi.

Umbwilo 11:19

Mulyango wa Ng'anda ikulu yakwe Leza mwiyulu wayuzilwe nga ni Mbokosi ya Upangano yalolike mukasi ka Ng'anda ikulu yakwe Leza. Kwali kumyansya kwa nkuwa nu kuvwa kupangalansya. Alino kuya ni cilundumusi nga ni citalawe cikulu.

Umbwilo 8:3

Lyene mungeli namuze, aiiza aimilila nkolelo ya kavuwa, ala alemile iciinga cakwe zaabu. Alino yamupeela ubani wingi kuti aupeele pamwi na mapepo ya antu yakwe Leza yonsi aoce pa kavuwa kakwe zaabu kano kali nkolelo ya cilimba ca wene.