Ayebulai 9:12 - Amazwi Yakwe Leza 2013

¹² Lino Klistu wingile lyonga mwitaalu, nu kwingilila limwi mu Ncende Yamuzilo Kuluta wene atasenzile wazi wa mbuzi na yacipambasi ya ng'ombe kuti apeele impolelwa. Lelo wene wasenzile wazi wakwe umwisikulu nu kutulonkela ukuluzi.

Ayebulai 9:12 Iomraidhean Croise

Danieli 9:24

“Imyaka cinimbali amaila amakumi cinimbali ili nsita ino Leza wika iyakuleka antu yako kumwi nu musumba wamuzilo yaye antungwa ukufuma ku maifyo ni nkota. Amaifyo yalelelwa nu ulungi wa manda pe uye kweneko, apakuti cilolwa nu usemo vikafikiliziwe, nga ni Ng'anda ikulu yamuzilo yakwe Leza ikapelwe kuli Leza nupya.

Aina Levi 16:15

Pacisila cakwe cico, alinzile kufyula imbuzi ya wila wa kwelela amaifyo ya antu. Alete uwazi wa mbuzi iyo mu Ncende Yamuzilo kuluta. Alino atoole uwazi uwo asanse pa ntupiko ya Mbokosi ya Upangano nga nu ku nkolelo ya Mbokosi ya Upangano, wakwe vino waliwacita nu wazi wakwe cipambasi.

Aina Levi 4:3

Muntu wino waifya ndi a Simapepo Mukulu wino wapakwa na mafuta, wene ala waletelela iuvi lyonsi. Lyene alinzile ukupeela kuli Yawe kacipambasi kaula ulema, pamulandu wi ifyo lyakwe. Kako kwene uli wila wa kwelela amaifyo api ifyo lino wacita.

Aina Levi 8:2

“Toola Aaloni na ana yakwe. Utoole ni vyakuzwala vyausimapepo, amafuta akusolwela, na cipambasi uwa wila wa kwelela amaifyo, na yasuuku yaili, ni cimponda ca mukate usi na citutumusi.

Aina Levi 9:15

Pacisila cakwe vii Aaloni apeela amawila yano antu yalesile. Atola imbuzi ya wila wa kwelela amaifyo ya antu, aifyula, alino apeela wakwe vino wacisile pa mpolelwa ya kupapatila kwa kufumya maifyo yakwe.

Zakaliya 3:9

Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

Mako 3:29

Lelo wino wensi alavwanga mazwi ya misuli pali Mupasi Wamuzilo wene atalelelwa, pano ale watacita iifyo litalatala lyelelwe.”

Luka 1:68

“Lekini tulumbanye Mwene Leza wa Izlaeli, pano wataiza ku kutandalila nu kukulula antu yakwe.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Efeso 1:7

Pano Klistu wakomilwe pakuti wazi wakwe uye impolelwa yakutulenga kuya antungwa, cii cikusenula vino ndakai maifyo itu yelelwa. Klistu wacisile cii pamulandu wakuti Leza wali ni

Kolose 1:14

kupitila munoli tukalengwa kuya antungwa. Cii cikusenula ukuti maifyo itu yelelwa.

1 Tesalonika 1:10

Nupya yakalanda pa kulolela kuno mukalolela Yesu Mwana wakwe kuti aiize kufuma mwiyulu. Leza wamuzyukwile kufuma ku afwe, nga pa wanda wa upinguzi Yesu alatutuula ku ukali wakwe Leza ukwiza.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 10:19

Inane, swemo lyene tukweti untungwa umalilike uwakwingila mu Ncende Yamuzilo Kuluta, pano Yesu watufwilile.

Ayebulai 10:4

Pano wazi wakwe yacipambasi ya ng'ombe nu wa mbuzi vitangafumya maifyo.

Ayebulai 13:12

Pamulandu kwene uu, Yesu nawe kwene wafwilile kunzi ya musumba ukulu, kuti aswefye antu nu wazi wakwekufuma ku maifyo yao.

Ayebulai 5:9

Na lino wacisilwe umufumaluke, wizile aya intulo ya ufyusi wa manda pe kuli yonsi akamuyela.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Ayebulai 9:13

Wazi wa mbuzi na yacipambasi ya ng'ombe nga ni twi lya ndama vyonsi vikakanyiwa pa antu akowele kulingana ni mipepele ya Ciyuda. Mu musango uu amuno yakaswefiwa ku kukukowela kwa ku mwili.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Ayebulai 9:19

Nkolelo Mose wanenyile antu masunde yonsi ndi vino Leza wamupile. Lyene atoola wazi wakwe yacipambasi ya ng'ombe nu wa mbuzi, atikanya na manzi, nga ausansa pa lupapulo lwa Masunde, na pa antu onsi, ala akuomvya kamuti kakwe isopu na mavumbu ya mfwele ayenzu.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Ayebulai 9:7

Lelo mu muputule wakwe ciili mwingila sile Simapepo Mukulu, nupya wene wingilangamo sile lyonga pa mwaka. Wene pakwingilamo wasendanga uwazi uno wapelanga kuli Leza, pa maifyo yakwe umwisikulu na pa maifyo ya antu yauze yano yacitilanga kusi ku mufulo.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.