Ayebulai 8:4 - Amazwi Yakwe Leza 2013

⁴ Ndi cakuti wali pano nsi lyene wene atangaya simapepo awe, pano kwaya yasimapepo yano akapeela mawila yano Masunde ya Ciyuda yalanda, nanti angala

Ayebulai 8:4 Iomraidhean Croise

Mpendwa 16:40

Cii, cali cakusoka aina Izlaeli ukuti kusi nanti wenga asi uwamu mupanda wakwe Aaloni wino angiza ku kocela Yawe ubani pa kavuwa, pano wene angononwa wakwe vino cacitikile Kola na antu yakwe. Vii vyonsi vyacisilwe wakwe vino Yawe wapeezile ilamulo kuli Eleaza kupitila muli Mose.

Mpendwa 18:5

Wewe pamwi na ana yako muli nu kuwaka Ncende Yamuzilo pamwi na kavuwa. Lyene ukali wakwe Yawe utalatala upone pa ina Izlaeli.

Ayebulai 10:11

Simapepo wensi Muyuda akaomba milimo yakwe cila wanda nu kupeela impolelwa zili zimwi maila aingi. Lelo impolelwa zii zitangafumya maifyo.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 5:1

Simapepo Mukulu wensi akasololwa kufuma mu antu yauze. Wene akasontwa kuti atumikile Leza pa kuyazwa, nu kupeela impolelwa na mawila kuti maifyo yelelwe.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

Ayebulai 9:9

Cii icisontelelo ca nsita ya ndakai. Cikusenula ukuti mawila ni mpolelwa zya nyama vino vikapelwa kuli Leza vitangalenga mwenzo wa mupefi kuya ufumaluke.