Ayebulai 8:10 - Amazwi Yakwe Leza 2013

¹⁰ Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Ayebulai 8:10 Iomraidhean Croise

Kufuma 24:4

Mose alemba malamulo yakwe Yawe yonsi. Katondo ka wanda walondelela, Mose akuula kavuwa mwisika ya mwamba, nga aimika na mawe ikumi na yaili, cila iwe lila likwimilila umutundu onga wa ina Izlaeli.

Kufuma 24:7

Pacisila cakwe vii, Mose atoola lupapulo lwa upangano awelengela antu. Lyene antu yavwanga yati, “Tukaayela Yawe nu kucita vyonsi vino watavwanga. Wene tumamuvwilanga.”

Kufuma 34:1

Yawe nupya anena Mose ati, “Waza vipampa vya mawe yauze yaili wakwe yalya yaili akutandika nga nani ndalembapo amazwi yano yali pa vipampa vya mawe akutandika, vino watamile.

Kufuma 34:27

Yawe anena Mose ati, “Lemba amazwi kwene yaa, pamulandu wakuti kulondela amazwi kwene yaa, kuli kucita upangano pakasi kane nawe nga na ina Izlaeli yonsi.”

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Yelemiya 24:7

Ndayapeela umwenzo wakumanya ukuti nene indi Yawe. Yene yalaya antu yane, nga nani ndaya Leza wao, pano yalaweluluka kunondi ni myenzo yao yonsi.’”

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Yelemiya 32:38

Alino lyene yalaya umutundu wane, nani ndaya Leza wao.

Yelemiya 32:40

Ndapangana nayo upangano wa pee uwakuti ntalatala inte ukuyacitila ivizipe, ndiika ni coopo ca koopa umu myenzo yao, apakuti yatakantaluke nupya.

Ezekelo 37:27

Tulaikalamo pamwi na alio, nupya nemo indaya Leza wao, nayo yalaya antu yane.

Ezekelo 39:22

Ang'anda yakwe Izlaeli nayo yalamanya ukuti nene indi Leza wao, ukutandikila pa wanda kwene uwo nu kuya ku nkolelo.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Zakaliya 13:9

Cipande ca antu calenga vitatu cino casyala penepo cili cino nemo ndezya, nu kuyazifya ndi vino yakaengulula siluva, nupya ndayezya ndi vino yakaezya zaabu. Yalaalaizya izina lyane, nani ndayuvwa nu kuyanena inti, ‘Mwemwe antu yane.’ Nga nayo yalavwanga yati, ‘Wewe uli Leza witu.’ ”

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Loma 11:27

Ndacita upangano uu nao, lino ndelela maifyo yao.”

1 Kolinto 6:16

Nanti uzye mutamanya vino umuntu wino akalundanya mwili wakwe kuli cizelele ala wene waya mwili onga pamwi nawe? Calembwa paswe mu malembelo cati, “Oili yalaya umwili onga.”

2 Kolinto 3:3

Cimanyike vino mwemwe muli kalata uwalembwa na Klistu wino watumilizye sweswe. Kalata wii atalembwa na inki, lelo walemvilwe na Mupasi wakwe Leza wa umi. Nupya atalemvilwe pa vipampa vya mawe lelo mu myenzo ya antu.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Yakobo 1:21

Acino lekini kucita vya winyi nu ukakasi onsi. Tontelini Leza nu kuzumila mazwi yano akaika mu myenzo inu, yano angamutuula.

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.