Ayebulai 8:1 - Amazwi Yakwe Leza 2013

¹ Cikalamba cino tukulanda cakuti tukweti Simapepo Mukulu wino wikala kwi lunji lya cilimba cakwe Leza mwiyulu.

Ayebulai 8:1 Iomraidhean Croise

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Yobo 37:22

Ulola nu kukaeya kwaswepa. Ala Leza wikala umu ucindami wakwe, uwakutina. Tutanga tufike uku Mweneco Wamaka Yonsi.

Masamu 104:1

Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.

Masamu 110:1

Yawe wanenyile umwene wane ati, “Ikala ukwi kasa lilunji lyane kufika lino ndakucimvizya anisi yako, kuti yaye wa cilyatilo ca ngazo zyako.”

Masamu 145:12

Apakuti ali wensi akamanya imilimo yako iyalulumbi nga nu lulumbi lwa ucindami wa wene wako.

Masamu 21:5

Ululumbi lwakwe lwayako apamulandu wakwe wewe. Wamupeela ukulumbuka nu usambazi.

Ezaya 24:14

Alapusuka insyazi zyakunzi, yalaimba ni nsansa. Antu aku uwondaka yalumila Yawe utupundu.

Mika 5:4

Lino aliza, wene alaposya nupya alacema imfwele zyakwe mu maka yakwe Yawe, nu mu ucindami wi zina lyakwe Yawe Leza wakwe. Alino yene yalikala mu mutende, pano ukulu wakwe ulafika nu kumpela ya nsi kwene.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Efeso 6:20

Pamulandu wi Landwe Lisuma nasololwa kuya nkombe, nanti ndakai indi mu n'ganda yaminyololo. Acino mwampepelako kuti nje mupame pa kukosola Ilandwe Lisuma wakwe vino ndinzile kucita.

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

Ayebulai 1:13

Leza atatazile anena umwi uwamu angeli yakwe ati, “Ikala kwi kasa li lunji lyane kufika lino ndakucimvizya anisi yako yaye wa cilimba ca ngazo zyako!”

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 4:14

Lyene lekini tulemelele na maka ku utailo uno tukalanda. Pano tukweti Simapepo Mukulu nupya mucindame wino wapita kwiyulu kuli Leza. Wene a Yesu Mwana wakwe Leza.

Umbwilo 3:21

Yao alacimvya ndayapeela insambu ya kwikala nani pa cilimba cane ca wene, ndi vino nani nacimvizye nu kwikala pamwi na Tata pa cilimba cakwe ca wene.