Ayebulai 7:25 - Amazwi Yakwe Leza 2013

²⁵ Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 7:25 Iomraidhean Croise

Yobo 22:17

Antu yaya nu kwipa kwao, yanenanga Leza yakuti, ‘Senka pano!’ Nupya yavwanga yati, ‘Uzye Leza Wamaka yonsi angacita cani kunotuli?’

Yobo 23:3

Si cange cizipe imanye kuno Leza akuzanwa, kuti nkafike kuno akaikala!

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Ezaya 45:24

“Yene yalavwanga vyapali nene yati, ‘Uololoke na maka vikazanwa sile muli Yawe. Yonsi amupata yaliza kunoli nga yaluvwa insonyi.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Ezaya 59:16

Leza akazunguka pakulola ukuti kusi nanti umwi akatuula yano yakucula. Fwandi lyene Leza umweneco kwene amavwandamuka pakuti ayapususye nu kucimvya amacimvya.

Ezaya 63:1

Uzye aweni wilya wino akwiza ukufuma mu musumba wa Bozila, mu mpanga yakwe Edomu? Icakuzwala cakwe icamaala maala nupya icausaka. Akukumpoka na pakupita na maka. Ala si a Yawe Wamaka, Katuula wa antu. Ali wino wiza ku kumanyisya antu pa lwa kucimvya kwakwe.

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

Danieli 3:17

Ndi cakuti Leza wino tukatumikila akweti amaka akututuula ku moto wa mwi lungu nu ku maka yako, ale lyene amacita cico.

Danieli 3:29

“Caleka ne mwene nkupeela ilamulo lyakuti umuntu ali wensi uwamu luko luli lonsi nanti indimi wino wavwanga amazwi amisuula kuli Leza wakwe Syadilaki, Mesyaki, na Abedinego, wene alinzile kuputolwa mu vimpilinsya ni ng'anda yakwe itamolwe mpaka iye citalang'anda. Pano kusi leza muze wino angatuula wakwe vino wii akacita.”

Danieli 6:20

Lyene lino wafika apipi ni ninga ilya, apunda ni zwi ilisakamale ati, “We Danieli, umuomvi wakwe Leza waumi! Uzye Leza wako, wino ukatumikila lyonsi nu mwenzo onsi, watakutuula kuli yacisama?”

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Yoane 14:13

Na consi cino mulalenga mwi zina lyane, acino ndacita, kuti Tata alumbanyiwe mu Mwana.

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Yoane 14:6

Yesu amwaasuka ati, “Nene ndi nzila, ni cumi, nu umi. Pasi umwi angiza kuli Tata suka wizila muli nene.

Loma 5:10

Twali anisi yakwe Leza, lelo mu mfwa ya Mwana wakwe watuwikizyanya nawe. Lyene vino twaya yacuza yakwe Leza, cumi Klistu alatutuula pano wene umumi.

Loma 5:2

Pano twataila muli Klistu, Klistu kwene uwalenga kuti tukwate longo lwakuti twaikalilila mu luse lwakwe Leza. Acino tukailumba pa kukwata upaalilo wa kukumako ku ucindami wakwe Leza!

Loma 8:34

Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

1 Kolinto 1:21

Pano Leza mu mano yakwe walenzile ukuti citacitika ukuti antu yamumanye kupitila mu mano yao. Lelo camuzipile ukuti antu ataila yatuulwe kupitila mwi Landwe lino tukakosola, ilikauvwika lya uwelewele ku antu yamwi.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

Efeso 3:20

Ndakai lulumbi luye kuli Leza, wino ali na maka akucita munotuli vintu vilusile vino tungalenga nanti vino tungelenganya.

Filipi 3:21

Wene alasenula mili itu itonte iyakufwa kuti ikolane nu mwili wakwe uwalulumbi. Wene alacita cii pa kuomvya maka yano wakwata akucimvya vintu vyonsi.

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.

2 Timoti 1:12

Acino pamulandu kwene uu, nemo nkucula. Lelo nsi na nsonyi pano indi nu upaalilo cuze, pano manyile wiyo wino nataila. Nupya nkusininkizya ukuti wene akweti maka akucingilila cico cino wandasika, kufika na pa Wanda wa mpelelekezyo.

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 13:15

Lyene muli Yesu amuno lyonsi tulumbanyizizye Leza. Nupya lekini cii ciye wa kupeela impolelwa kunoli, ino tungati uli wila uno ukapelwa pa milomo ino ikamwama ukuti Mwene.

Ayebulai 2:18

Acino ndakai wene ali na maka yakwazwa yao akutunkwa pano umwisikulu watunsilwe nu kucula.

Ayebulai 2:9

Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Ayebulai 7:16

Simapepo wiya wasonsilwe asi pamulandu wa malamulo ya antu. Lelo kupitila mu maka ya umi usi na mpela.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 7:24

Lelo Yesu uwa umi manda pe, nu mulimo wakwe uwa usimapepo usyatolwa nu muntu muze.

Ayebulai 7:8

Yasimapepo yakapelwa icikumi pali vino antu yakakwiila. Yasimapepo yakafwa suka sile Mekisedeki. Malembelo yakasambilizya ukuti wene ali nu umi.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Yuda 1:24

Kuli Leza wiyo angamucingilila kukuponela mu maifyo, wene angamulenga kwimilila panoli mu lulumbi lwakwe aulwa umulandu nupya aluzango.