Ayebulai 6:16 - Amazwi Yakwe Leza 2013

¹⁶ Lino umuntu akalaya nu mulapo, wene akaomvya zina lyakwe umwi mukulu kuluta aliwe, nu mulapo ukamala vikanza vyonsi.

Ayebulai 6:16 Iomraidhean Croise

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Utandiko 21:23

Caleka laya nu mulapo pa manso yakwe Leza ukuti utalantumpika, nene nanti ana yane, nanti amu mupanda wane. Nemo indi uwakutailwa kunuli, caleka nawe kwene laya ukuti umayanga uwakutailwa kunondi nu ku mpanga yane kwene ino utenzimo wa mwinamasi.”

Utandiko 21:24

Abulaamu aasuka ati, “Nalaya.”

Utandiko 31:53

Leza wakwe Abulaamu na Leza wakwe Nawoli yali nu kupingula panotuli.” Lyene Yakobo alapa mwi zina lyakwe Leza wino wapepanga, Leza wakwe isi Isaki.

2 Samueli 21:2

Aina Gibyoni yatali aina Izlaeli. Yene yali akaliumba akanono ka ina Amoli kano aina Izlaeli yalavile nu mulapo ukuti yamayacingililanga. Lelo Saulo alonda kuyakoma, pamulandu wa muzonda uno wakwatile aina Izlaeli na ina Yuda.

Kufuma 22:11

umuntu wiyo alinzile kulapa mwi zina lyane ne Yawe pamwi ndi kambone wakwe ukuti wene atiya citeekwa ca muntu muze. Lyene umweneco wa citeekwa alinzile kuzumila ukuti citeekwa caticiponga, nga muze atalinzile kumulipila cuze cakupyanikizya.

Galatiya 3:15

Inane, namaomvya cilangililo ca vintu vikacitika iyonsi, kuti ndondolole ningo vino nkusenula. Lino antu yaili yapangana kusi umwi angasenula nanti kulundako cimwi ku cipangano cico.

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.