Ayebulai 6:1 - Amazwi Yakwe Leza 2013

¹ Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.

Ayebulai 6:1 Iomraidhean Croise

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Mateo 21:29

Lelo mwana aasuka ati, ‘Awe, ntakuya nkaombe.’ Pacisila apinduluka, aya aomba.

Mateo 21:32

Pano Yoane wizile kunomuli nu kumulanga vino mungalondela nzila ya wololoke wakwe Leza, lelo mutamutaile. Yakasonkisya na yacizelele yene yamutaile. Lelo mwemo nanti angala mwaweni cii, mutazenzwike nu kumutaila.”

Mateo 3:2

akuti, “Zenzukini, pano Wene wa mwiyulu wati upalama pipi.”

Mateo 4:17

Kufuma pa nsita kwene ilya, Yesu atandika kukosola, ati, “Zenzukini, pano Wene wa mwiyulu wati upalama pipi.”

Mateo 5:48

Caleka mwemo muye afumaluke ndi vino So uwa mwiyulu waya umufumaluke.

Mateo 7:25

Lyene imvula itonya, mulamba aiiza nu mukuku ni cipupu ciiza cipuma pa ng'anda iyo, lelo itaponyile, pano yakuuzilwe pa lwala.

Mako 1:1

Lii lili Landwe Lisuma lya pali Yesu Klistu Mwana wakwe Leza.

Mako 6:12

Caleka yapita nu kukosola kuti antu yazenzuke.

Luka 6:48

Wene wakolana wa muntu wino pa kukuula ing'anda yakwe wimvile mufula uzike, nu kukuula ing'anda yakwe pa lwala. Lyene mulamba aiiza nu mukuku, apuma ing'anda ilya, nayo itatensiwe pano yakuuzilwe ningo.

Yoane 12:44

Yesu asanzika izwi ati, “Wino wantaila, ala atataile nene nenga, lelo wataila na wino uwantuma.

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 5:24

“Cumi namunena vino, wensi wino akuuvwa mazwi yane, nu kutaila wino uwantumile, wene akweti umi wape, wene atalapingulwa, lelo wene watafuma ku mfwa aya ku umi.

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Milimo 17:30

Caleka nsita zyakuntamanya Leza wasulanga kuli vino antu yacitanga. Lelo ndakai watapela ilamulo ku antu yonsi konsikonsi kuti yazenzuke.

Milimo 2:38

Petulo ayanena ati, “Zenzukini, cila muntu, muwatiziwe mwi zina lyakwe Yesu, pakuti maifyo inu yelelwe. Alino mulapokelela uwila uno Leza walaya.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

1 Kolinto 13:10

Lelo lino cifumaluke cilaloleka, icisi cifumaluke cilalowa.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.

2 Kolinto 7:1

Mwe yacuza, Leza uwacita malayo yaa. Acino tulinzile kufumako ku vintu vyonsi vino vikakowezya mili nga ni mipasi itu. Acino pa koopa Leza twaezya kuya amuzilo.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Efeso 2:1

Namwe mpiti mwali afwe ku mupasi pamulandu wa kuntayela kwinu na maifyo inu.

Efeso 2:5

cakuti lino twali afwe ku mupasi pa kuntayela wene watulenzile kuya aumi muli Klistu. Mwatuuzilwe ni cikuku cakwe Leza.

Efeso 4:12

Lyene antu yakwe yalasambilila kutumikila nga nu mwili wakwe Klistu nao ukomeleke.

Kolose 1:28

Klistu awino tukakosola ku antu onsi. Tukaomvya mano itu yonsi mu kuyasoka nu kuyasambilizya, pakuti alondezi yakwe yonsi yakule muli Klistu.

Kolose 3:14

Na pa vintu vii vyonsi mulundepo ukutemwa kukakundanya vintu vyonsi pamwi mukulemana kumalilike.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

1 Timoti 6:19

Mu musango uu amuno yene yalaitulikila cuma cino cilaya wa mufula ukome uwa manda akwiza, kuti lyene yakapelwe umi wape uwa cumi.

2 Timoti 2:19

Lelo mufula ukome uno Leza wika wene utangatensiwa. Nupya pa mufula kwene uwo palembwa mazwi yano yakati, “Mwene wamanya antu yakwe” nupya yakati, “Wino wensi akaitaka ukuti wene umuntu wa Mwene alinzile kuzenzuka ku kuluvyanya konsi.”

Ayebulai 11:6

Kusi umwi angazanzya Leza kwaula kukwata utailo. Pano wino wensi akaiza kuli Leza alinzile ataile ukuti Leza akuno waya nupya akalambula yao akamulondalonda.

Ayebulai 12:13

Twalililini kupita umu nzila zyololoke, pakuti ingazo izikasinta zitalemala lelo zipoziwe.

Ayebulai 7:11

Masunde yakwe Mose yano apilwe ku ina Izlaeli iimikwe pali usimapepo wa ina Levi. Kuomba kwakwe yasimapepo aina Levi ndi kwali ukufumaluke, ale lyene kutange kuye usimapepo uze uwamu mwata wakwe Mekisedeki usi uwamu mwata wakwe Aloni.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Yakobo 1:4

Musininkizye ukuti utailo winu watwalilila kwaula kutonta, pakuti mukule, muye afumaluke, antu atulilwa cimwi.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

1 Yoane 4:12

Kusi umwi uwalola Leza. Lelo ndi twatemwana ale Leza wikala munotuli, nga nu kutemwa kwakwe kwaya ukufumaluke munotuli.