Ayebulai 5:12 - Amazwi Yakwe Leza 2013

¹² Mwemo mwapilwe insita ilinge yakuti muye yakasambilizya. Lelo mucili mukulonda umwi uwa kumusambilizya masambilizyo ankolelo amwi landwe lyakwe Leza. Mwemo mucili mukumwa iziya lino mulinzile kulya vyakulya vikome.

Ayebulai 5:12 Iomraidhean Croise

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

Ezila 7:10

Apa mulandu wakuti Ezila walanga wika umwenzo wakwe uku kusambilila amasunde yakwe Leza nu kuyalondela nga nu kuyasambilizya uku ina Izlaeli, ivipope ni misango ino yangalondelamo lyonsi.

Masamu 34:11

Izini kuno yayame, mwize muvwe. Nemo namamusambilizya ukukwatila Yawe icoopo.

Ezaya 28:13

Icaleka fwandi Yawe umweneco amamusunda mu kuwatawata sile, mu kumusunda izwi ni zwi, musilwa nu musilwa, ni sambililo ni sambililo. Alino lyene mumacitanga cila lutampulo luno mwatampula ala mukupempezyoka. Mumaicisolanga nu kusendwa uzya lili lili.

Ezaya 55:1

Mwensi mwemuno mukacula ku lusala izini ku manzi! Nanti mutakweti impiya izini sile. Izini mukale cakulya kwaula impiya, mulye. Mukale ni cakumwa ni ziya ukwaula kulipila.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mako 9:19

Yesu ayanena ati, “Ala! Mwe antu amu mukulo usi na utailo! Uzye namaya namwe kufika lilaci? Uzye namamutekelela kufika lilaci? Muletini kunondi!”

Milimo 7:38

Mose kwene wii uwali na aina Izlaeli lino yakongine mu lwanga, nupya uwali ni vikolwe vitu pamwi nu mungeli uwavwanzile nawe pa Mwamba wa Sinai. Wene uwapokelile na mazwi akapeela umi kuti atupele.

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

1 Kolinto 14:19

Lelo lino tukupepa mu ukongano wi uvi, nemo cinganzipila kulanda mazwi yasano sile yano yanguvwika pakuti nsambilizye yauze, kuluta kulanda mazwi mazimbi ikumi yano yatanguvwika ku antu yauze.

1 Kolinto 14:20

Mwe inane, mute kwelenganya wa ance. Mu viipe muye akaele wa tunya. Lelo mukwelenganya muye wa antu aikolo.

Galatiya 4:3

Vii, avino cali na kuli sweswe. Twali wa ana atungululwanga na masambilizyo ya ntambi zya nsi.

Filipi 3:1

Mukumalila inane, muye nu luzango mu Mwene. Ntasakamile ndi namulembela nupya vintu vino namulembile nkolelo. Endi, cingamuzipila kuti ncite vii.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Ayebulai 10:32

Iusyini vintu ivya mucitikile ku mpiti. Mu manda yaya, pacisila lino luswepo lwakwe Leza lwayengesile panomuli, mwemo mwacuziwe mu vintu vingi lelo mutacimviwe mukulwisya kwinu.

Ayebulai 5:11

Tukweti vintu vingi ivya kulanda pamulandu uu. Lelo cili citale cuze kulondolola kunomuli pano musyauvwa zuwa.

Ayebulai 5:13

Muntu wino acili akumwa iziya ala wene umwana, wino angaposiwa kumanya vilungame nu kuluvyanya.

Ayebulai 6:1

Lyene katutale tuye pa nkolelo mu usambilizyo, tusye cisila masambilizyo yankolelo amwi landwe lyakwe Klistu. Tutaswilila mu kwimika mufula wa kuzenzuka ku milimo iipe nu kutaila Leza.

1 Petulo 2:2

Mukolane nu tunya twacivyalwa tuno twaya nu lusala lwi ziya. Ndi mwakwata lusala lwi ziya lya mpomvu, lyene myenzo inu ilalisiwa nga mulakula suka mukatuulwe.

1 Petulo 4:11

Wino wensi akakosola alinzile kukosola mazwi yakwe Leza. Wino wensi akatumikila alinzile kutumikila na maka yano Leza akamupeela, pakuti Leza atasiwe muli vyonsi. Klistu awino alalenga kuti cii cicitike. Lulumbi na maka ivyakwakwe manda pe. Ameni.