Ayebulai 5:1 - Amazwi Yakwe Leza 2013

¹ Simapepo Mukulu wensi akasololwa kufuma mu antu yauze. Wene akasontwa kuti atumikile Leza pa kuyazwa, nu kupeela impolelwa na mawila kuti maifyo yelelwe.

Ayebulai 5:1 Iomraidhean Croise

Aina Levi 8:2

“Toola Aaloni na ana yakwe. Utoole ni vyakuzwala vyausimapepo, amafuta akusolwela, na cipambasi uwa wila wa kwelela amaifyo, na yasuuku yaili, ni cimponda ca mukate usi na citutumusi.

Aina Levi 9:7

Lyene Mose anena Aaloni ati, “Yanga pipi na kavuwa, upeele uwila wa kwelela amaifyo nu wila wakoca, pakuti ucite ulutambi lwa kufuta amaifyo yako na maifyo ya ina Izlaeli. Upeele uwila wa lutambi lwa kufuta amaifyo yao, wakwe vino Yawe wapeezile ilamulo.”

Loma 15:17

Mukuilundanya na Yesu Klistu, lyene nemo ningaya ni cilumba cakutumikila Leza.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

Ayebulai 10:11

Simapepo wensi Muyuda akaomba milimo yakwe cila wanda nu kupeela impolelwa zili zimwi maila aingi. Lelo impolelwa zii zitangafumya maifyo.

Ayebulai 10:12

Lelo Klistu wapile impolelwa yonga yakufumya maifyo, ni mpolelwa ii ikaomba manda pe. Lyene waile aikala kwi kasa lilunji lyakwe Leza.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 2:17

Cii cikusenula ukuti calinzile ukuti wene akolane na ina yakwe muli vyonsi, kuti aye Simapepo Mukulu uwakutailwa nu wa mizu mu kutumikila Leza, na kuti maifyo ya antu yelelwe.

Ayebulai 7:27

Wene atakolana na Simapepo Mukulu muze. Citakulondekwa kuti wene apeela impolelwa cila wanda, inkolelo zya pa maifyo yakwe nga ni zya pa maifyo ya antu asyala. Lino waipile lyonga umwisikulu, wene waipile kuya impolelwa yonga sile iya manda pe.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

Ayebulai 8:4

Ndi cakuti wali pano nsi lyene wene atangaya simapepo awe, pano kwaya yasimapepo yano akapeela mawila yano Masunde ya Ciyuda yalanda, nanti angala

Ayebulai 9:9

Cii icisontelelo ca nsita ya ndakai. Cikusenula ukuti mawila ni mpolelwa zya nyama vino vikapelwa kuli Leza vitangalenga mwenzo wa mupefi kuya ufumaluke.