Ayebulai 4:16 - Amazwi Yakwe Leza 2013

¹⁶ Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

Ayebulai 4:16 Iomraidhean Croise

1 Milandu 28:11

Alino Davidi apeela Solomoni umwanakwe uwanziko wa Ng'anda iyo ikulu yakwe Yawe, ni vikulwa vyuze vyakweyo, ni miputule yakweyo yakusungilamo ivyuma, ni laali lyaiko, ni miputule yakweyo yamukasi nga ni ncende yakwelelapo amaifyo.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Aina Levi 16:2

Yawe avwanga ati, “Nena munyonko Aaloni kuti ataingila insita ili yonsi mu Ncende Yamuzilo kuluta, kwi tundu lya nsalu yakucingilila, ku nkolelo ya ntupiko ya Mbokosi ya Upangano, pano angafwa pamulandu wakuti ne Yawe nkalolekela mwi kumbi papela ya ntupiko iyo.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 9:5

Papela ya mbokosi pali vimwi ivyakoline wa angeli vino yakati yakelubi, vyalanganga kucindama kwakwe Leza. Vyali na mapa akonzolwilwe nu kuvimba pa mbokosi apali pa ncende pano maifyo yelelwanga. Lelo ndakai isi ili nsita yakulondolola vyonsi mu kuzika.

1 Petulo 2:10

Pa nsita imwi mutali antu yakwe Leza, ndakai mwemwe antu yakwe. Pa nsita imwi mutamanyile uluse lwakwe Leza, lelo ndakai mwati mupokelela uluse lwakwe.