Ayebulai 3:8 - Amazwi Yakwe Leza 2013

⁸ mutakomya imyenzo inu ndi vino vikolwe vinu vyacisile lino vyakatukile Leza, ndi vino vyali mu lwanga mu wanda ulya, lino vyezyanga Leza.

Ayebulai 3:8 Iomraidhean Croise

2 Yamwene 17:14

Nga lelo yatali akuti yuvwe, yali sile wa vikolwe vyao uku utalami, yao atataile muli Yawe Leza wao.

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Neemiya 9:16

Nga lelo ivikolwe vitu vyacisile icilumba, vyumalala imyenzo nu kusuula amasunde yako.

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Masamu 106:14

Ulwinswa lwayalema umu lwanga, nu kwezya Leza

Masamu 78:18

Yezyanga Leza umwene uku mufulo sile, apa kumulenga icakulya cino yakulonda.

Masamu 78:56

Nga nalyo kwene yasangukile Leza Mukulu yamamusonsomba sile. Iyakana nu kutontela amasunde yakwe.

Masamu 95:8

Mutakomya imyenzo ndi vino mwacisile kuku uku Meliba, ndi vino cali uwanda ulya uku Masa umu lwanga.

Kufuma 17:7

Cifulo cici yacitemela izina yati Masaa na Meliba (Kuli kuti Amezyo nu kuilizyanya) pamulandu wakuti aina Izlaeli yailizyanyizye kuli Mose nu kwezya Yawe lino yuzizye yati, “Uzye Yawe ali naswe nanti foo?”

Kufuma 8:15

Lelo lino Falao walola ukuti yacula yafwa, nupya kwene akoma umwenzo, wakwe vino Yawe wavwanzile ukuti Falao ataluvwa ku mazwi yakwe Mose na Aloni.

Mapinda 28:14

Wiyo akaopa Yawe insita zyonsi uwa longo. Lelo wiyo akaumalala umwenzo, alaponela umu ntazi.

Mapinda 29:1

Umuntu uumalala umwenzo nanti yangezya uku mukalipila, ilovyo lilamupumikizya, nupya atalapusuka.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Danieli 5:20

Lelo pamulandu wakuti wene wali ni cilumba, atalama, aya umunkalwe, ali cino yamufumizye apa wene nga yamupoka nu mucinzi wa cifulo cakwe.

Mpendwa 14:11

Yawe anena Mose ati, “Uzye antu yaa yalansuula kufika lilaci? Uzye yalakana kunzumila kufika lilaci, nanti angala nemo nacita vizungusyo pakasi kao?

Mateo 13:15

pano mano yao yakupwa, nga yacilika na matwi yao, na manso yao yazyata. Pano limwi manso yao yangalola, na matwi yao yanguvwa, nu kumanya yangamanya ningo, nu kuzenzuka yangazenzuka, nani ningayapozya.’

Milimo 19:9

Lelo yamwi yali akome myenzo, yakana ukutaila, yavwanga viipe pamulandu na mazwi ya Mwene pa manso ya antu onsi. Paulo ayasya apita pamwi na alondezi yaya, nga cila wanda ala yakukomana nu kulanzyanya mwi sukulu lyakwe Tilano.

Milimo 7:36

“Watungulwile antu kufuma mu Eguputo, ala akucita vinjelengwe ni vizungusyo mu Eguputo na pali Yemba Muyenzu nga nu mulwanga pa myaka makumi yani.

1 Kolinto 10:9

Tutalinzile kwezya Mwene, ndi vino yamwi munoyali yacisile nga pacisila yalumika ni nzoka, yafwa.

Malango 6:16

“Mutakezye ukwezya Yawe Leza winu, wakwe vino mwacisile ku Masaa.

1 Samueli 6:6

Uzye pacani cino mukukomya imyenzo inu wakwe vino aina Eguputo na Falao kwene yacisile? Ale lyene mutale mulole, nanti wene wayacuzizye iciipisye, uzye yene yatatile aina Izlaeli kuti yapita?