Ayebulai 3:5 - Amazwi Yakwe Leza 2013

⁵ Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.

Ayebulai 3:5 Iomraidhean Croise

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Masamu 105:26

Watumile Mose umuomvi wakwe pamwi na Aloni, yano wasolwile umweneco.

Kufuma 14:31

Lino aina Izlaeli yalola maka yano Yawe waomvya pa kucimvya aina Eguputo, iyatandika koopa Yawe. Pali cii aina Izlaeli yataila Yawe na Mose muomvi wakwe.

Kufuma 40:16

Mose acita vyonsi wakwe vino Yawe wamupeezile ilamulo.

Mpendwa 12:7

Lelo caiyela lino nkulanda nu muomvi wane Mose. Wene akaikala uwakutailwa muli vyonsi vyamu ng'anda yane.

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 25:21

Mwene wakwe nawe amunena ati, ‘Wacita ningo we muomvi musuma nupya uwakutailwa! Wali uwakutailwa pa vintu vinono. Caleka namakucita kangalila pa vintu vingi. Iza uzange pamwi nani!’

Luka 12:42

Mwene nawe amwaasuka ati, “Uzye lyene, muomvi mutailwe nu wamano aweni? Awiyo wino mwene alamucita kangalila, uwakulolela ing'anda nu kupeela aomvi yauze vyakulya vyao pa nsita ilinge.

Luka 24:27

Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Milimo 28:23

Caleka yuvwana na Paulo uwanda wakukongana, na pa wanda kwene uo iiza aingi ku ng'anda kuno Paulo wikalanga. Kufuma katondo kufika nu usiku Paulo ayalondolwela nu kuyanena ilandwe lya Wene wakwe Leza. Aezya kusininkizya kunoyali pali Yesu kupitila mu kuwelenga ivyalembwa mu Masunde yakwe Mose nga ni mpapulo zyakwe yakasema.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Loma 3:21

Ndakai Leza watasokolola inzila yakwe yakucitilamo antu yaye aololoke pa manso yakwe kwaula Masunde.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

Malango 3:24

‘Yawe Simwandalali, namanya ukuti watandika ukulangilila ne muomvi wako ivintu vimwi ivikulu nupya ivyakuzunguka vino wemo uli nu kucita. Kutaya Leza nanti aumwi umwiyulu nanti pano nsi angacita ivyakuzunguka wakwe vino ukacita.

Malango 34:5

Acino Mose umuomvi wakwe Yawe ali pa kufwila mumu kwene mu mpanga yaku Moabu, wakwe muno Yawe wavwanzile.

1 Timoti 1:12

Nkataizya Klistu Yesu Mwene witu, wino uwampile maka akuomba mulimo uu. Nkumutaizya apa kumpenda kuya uwa kutailwa nu kunsolola kuti namutumikila.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 3:2

Wene wali uwakutailwa kuli Leza, wino wamusolwile kuti aombe mulimo uu, wakwe vino Mose wali uwakutailwa mu mulimo wakwe uwamu ng'anda yakwe Leza.

Ayebulai 3:4

Endi, cila ng'anda ikakuulwa nu muntu umwi, nga Leza aliwe uwakuula vintu vyonsi.

Ayebulai 8:5

mulimo uno yasimapepo yakaomba wene ukukolanya nupya ulangililo wa vintu vya mwiyulu. Cili ndi vino cali mu manda yakwe Mose. Lino wene wali pipi nu kukuula Itaalu lya upangano, Leza wamunenyile ati, “Sininkizya ukuti umapanga vyonsi kulingana nu musango uno nakulanzile pa mwamba.”

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Yoswa 1:15

Lino anyonko yaca yacimvya yatandika nu kwikala mu mpanga ino Yawe Leza winu alayapeela, alino lyene mulaswilila nu kuya ikala mu mpanga iyo ino Mose umuomvi wakwe Yawe wamupeela lwaku ufumondaka wa Luzi lwa Yodani.”

Yoswa 1:2

“Mose umuomvi wane watafwa. Katuka fwandi lamba Luzi luu lwa Yodani, wewe pamwi na ina Izlaeli yonsi, mwingile nu mu mpanga ino namamupeela.

Yoswa 1:7

Wewe kwene ule uposye nupya uzyansye. Utekele nu kuyela amasunde yonsi yano umuomvi wane Mose wakupezile. Utakezye kutazyela isunde nanti lyonga pali yayo, nga lyene ulaya nu longo konsi kuno ulaya.

Yoswa 8:31

wakwe vino Mose umuomvi wakwe Yawe wapile ilamulo ku ina Izlaeli. Wakakuzile wakwe vino calembwa mu Lupapulo lwa Masunde yakwe Mose. Kali kavuwa akapangilwa na mawe asi yacekule yano yatatala yawazwa ni ciombelo ca cela. Apali pano yapeela kuli Yawe amawila akoca nga ni mpolelwa zya mawila ya utandano.

Yoswa 8:33

Aina Izlaeli yonsi, ainamasi na akaya kwene, kumwi ni ntunguluzi zyao, na yamusika nga na yakapingula, yaimi ku mbali zyoili izya Mbokosi ya Upangano yakwe Yawe, ukulungatana na yasimapepo aina Levi, yao aisenzile. Citika wa antu yaimi ala iyalozya ivinso ku Mwamba wa Gelizimu nga na citika muze ala iyalozya ivinso ku Mwamba wa Ebali, kuti yafikilizye ilamulo lyakwe Mose umuomvi wakwe Yawe ilya kupolelela aina Izlaeli.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!