Ayebulai 3:14 - Amazwi Yakwe Leza 2013

¹⁴ Pano tukaya yacuza yakwe Klistu ndi cakuti twalemelela ku upaalilo witu kufika nu ku mpelelekezyo, uwo uno twakweti pa kutandika.

Ayebulai 3:14 Iomraidhean Croise

Loma 11:17

Misambo imwi ya muolivi uno antu yalema yene yaputulwa, nga pa viposi vya misambo iyo palematikwa misambo ya muolivi uwamu mpanga. Mwe Akulukuwa mukoline wa misambo ya muolivi uwamu mpanga ino yalematikweko, nga ndakai mwati mukumako kukupolelelwa kwakuya vilundwa ku Ayuda.

Loma 11:22

Pali cii, twalola vino Leza uwa luse nupya umukali. Wene umukali ku antu yano akapona, lelo kuli mwemwe uwa luse ndi mwatwalilila mu vintu vikalenga kuti aye nu luse. Pano limwi namwe kwene mungaputulwa.

1 Kolinto 1:30

Lelo Leza wamuleta muli Klistu Yesu, nupya Leza wasenula Klistu kuya amano itu. Kupitila munoli Leza akatucita aololoke pa manso yakwe. Muli Yesu tukaya antu amuzilo yakwe Leza, nga nu kutuulwa.

1 Kolinto 10:17

Pa kukumako ku kwankana umukate uli onga kwene, swensi tukaya mwili onga, nanti angala tuvuzile.

1 Kolinto 9:23

Nkacita vii vyonsi pamulandu wi Landwe, pakuti ningakumako ku kupolelelwa ukwaya mwi Landwe.

Efeso 3:6

Nkama ii, iyakuti Ilandwe Lisuma lyapali Klistu lyalenga kuti Akulukuwa yakume ku malayo yano Leza walavile Ayuda. Nupya Leza wazumilizye Akulukuwa kuya vilundwa vya mwili onga.

Malango 1:35

‘Kusi nanti wenga uwamu mukulo uu uwipe alingila mu mpanga ivunde ino nalavile ukupeela ku vikolwe vinu.

1 Timoti 6:2

Azya yano asambazi yao aina Klistu yene yalusyepo kufuka kunoyali, pano yene aina yao. Yalinzile kuyatumikila ningo kuluta, pano yakutumikila asambazi nupya atemwikwa yao mu utailo. Ulinzile kusambilizya nu kukosola vintu vii.

Ayebulai 11:1

Utailo ukapeela maka akuntatwisika vintu vino tukupaalila, nupya ukasininkizya vintu vino tusyalola.

Ayebulai 12:10

Akwasi itu, yatata yatusundanga pa nsita inono ndi vino cayazipile kucita. Lelo Leza akatusunda kuti vintu vituzipile pakuti tukakumeko ku muzilo wakwe.

Ayebulai 3:1

Mwe inane aina Klistu, mwe muno Leza waama, nkuti mwaelenganya pali Yesu. Leza wamutumile kuti aye Simapepo Mukulu nu mutumwa wa utailo uno tukulanda.

Ayebulai 3:6

Lelo Klistu u Mwana uwakutailwa wino akaangalila ng'anda yakwe Leza. Sweswe tuli ng'anda yakwe, ndi twalemasya kuposya nu kutaila muli vino tukapaalila.

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

Ayebulai 6:4

Pano uzye yao afutatila utailo wao yangaweziwa uli nu kuzenzuka? Yene yapisile mu luswepo lwakwe Leza, nupya yapokelile uwila kufuma kwiyulu nu kuyankanyako Mupasi Wamuzilo.

1 Petulo 4:13

Lelo zangini pano mukukumako ku macuzi yakwe Klistu, kuti muce muye nu luzango cuze lino alaloleka mu lulumbi.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Yoane 1:3

Cino twalola nu kuvwa cili cino tukumunena, kuti namwe kwene muilundanye pamwi naswe ku utandano uno twakwata na Tata pamwi na Yesu Klistu mwana wakwe.