Ayebulai 2:9 - Amazwi Yakwe Leza 2013

⁹ Lelo ndakai tukalola Yesu wino pa nsita imwi inono wacefiwe kuya pisika lya angeli. Ndakai tukalola vino wene wapelwa lulumbi nu mucinzi pano wene wacuzile kufika lino wafwile.

Ayebulai 2:9 Iomraidhean Croise

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Mateo 16:28

Cumi namunena vino, apano yali yamwi pano atalafwa kufika lino yalalola Mwana wa Muntu akwiza mu wene wakwe.”

Mateo 6:28

“Pacani cino mungasakamikwa pali vino mumazwala? Lolini vino maluwa yakakula. Yene yasyaomba nanti kupikula vizwalo.

Mako 9:1

Alino atwalilila kuvwanga ati, “Cumi namunena nati, apano yali yamwi pano atalafwa kufika lino yalalola Wene wakwe Leza ukwiza na maka.”

Luka 9:27

Cumi namunena vino, apano yali yamwi pano atalafwa kufika lino yalalola Uwene wakwe Leza.”

Yoane 1:29

Uwanda walondelela Yoane alola Yesu akwiza kunoli, ati, “Lolini, Mwana wa Mfwele wakwe Leza wino akafumya maifyo ya antu.

Yoane 10:17

“Acino Tata wantemelwa, pano naipela ukufwa kwaula kupatikiziwa, kuti ince nje umumi nupya.

Yoane 12:32

Lelo lino nemo ndasamikwa ku cimuti, ndaongwela antu yonsi kunondi.” (

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Yoane 8:51

Cumi namunena nati, wino wensi akayela mazwi yane wene atalafwa.”

Yoane 8:52

Ayuda yati, “Ndakai twamanya nu kusininkizya vino uli nu mupasi wankota! Abulaamu wafwa, na yakasema nao yafwa nga nawe wavwanga wati, wino wensi, akayela mazwi yako wene atalafwa.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Loma 5:18

Caleka ndi vino iifyo lya muntu wenga lyalenga kuti antu yonsi yavunukwe, mu musango uli onga kwene Klistu wacita ca wololoke cikalenga kuti antu yonsi yaye antungwa nupya aumi.

Loma 5:8

Lelo Leza watulanga vino watutemwa, pano lino twali tucili yakaifya Klistu watufwilile.

Loma 8:3

Leza wene watacita vino Masunde yakwe Mose yaposiwe kucita pamulandu wakuti miyele ya untunze yaya itonte. Wene wavunwike iifyo mu untu apa kutuma Mwana wakwe, uwizile mu musango wa untu wakwe sweswe swe yakaifya, pakuti aiize aipeele kuya impolelwa ya kukulula antu ku maifyo yao.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

2 Kolinto 5:15

Klistu watufwilile swensi. Wafwile pakuti tutaikala umi uwakuizanzya, lelo uwakuzanzya wino uwafwile nupya wazyukwike pamulandu witu.

2 Kolinto 5:21

Klistu atatazile aifye! Lelo Leza wamucisile wakwe kaifya pamulandu witu, kuti muli Klistu tukume ku wololole wakwe Leza.

Galatiya 4:4

Lelo lino nsita yafisile Leza watumile Mwana wakwe, uwizile avyalwa ku mwanaci. Mwana kwene wii wayelanga Masunde yakwe Mose

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

Ayebulai 1:9

Wemo watemwa ulungami wapata lufyengo. Caleka Leza, Leza wako, watakupaka na mafuta ya kuzanga kuluta auzo.”

Ayebulai 10:5

Pamulandu kwene uu, lino Klistu wali pipi nu kwiza muno nsi, wavwanzile ati, “We Leza, usyakulonda impolelwa na mawila, lelo watunteyanyizizya mwili.

Ayebulai 11:5

Utailo uwalenzile kuti Enoki atafwa lelo asendwe kwiyulu. Kusi umwi uwamuzanyile, pano Leza wamusenzile kupeela. Malembelo yakalanda ukuti lino Enoki atali asendwe kupeela wene wazanzizye Leza.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 2:7

Wene mwamucefizye insita inono pa angeli. Mwamupeela lulumbi nu mucinzi wa Wene,

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Ayebulai 8:3

Simapepo Mukulu wensi akasontwa kuti apeela mawila nga ni mpolelwa zya nyama kuli Leza. Caleka Simapepo witu Mukulu nawe alinzile akwate cimwi cakupeela.

1 Petulo 1:21

Klistu uwalenzile kuti mutaile muli Leza, wino wamuzyukwile kufuma ku afwe. Nupya wamupile lulumbi. Acino utailo nga nu upaalilo winu vyaya muli Leza.

1 Yoane 2:2

Klistu ali mpolelwa yapa maifyo itu, nga na maifyo ya antu yonsi amu nsi.

Umbwilo 19:12

Manso yakwe yakoline wa cimbilimbili ca moto, nupya wene wazwite ngala zingi zya wene ku mutwe. Wene wakweti zina lino lyalemvilwe panoli. Lelo kusi umwi uwalimanya suka umwisikulu.

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.