Ayebulai 2:10 - Amazwi Yakwe Leza 2013

¹⁰ Cali icisuma ukuti Leza, wino uwaumba vintu vyonsi nu kuvisunga ningo, acite Yesu aye umufumaluke mu kupita mu macuzi kuti atungulule ana yakwe aingi kukumako ku lulumbi lwakwe. Pano Yesu ali ntunguluzi ya kuyatungulula ku ufyusi.

Ayebulai 2:10 Iomraidhean Croise

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Mapinda 16:4

Icintu consi kwaya cino Yawe waciumbile. Nu muntu mwipe kwene wamuumbile uku wanda wi syamo.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Ezaya 55:4

Lola ninkucita kambone wa mitundu, intunguluzi na kateeka wa mitundu.

Oseya 8:10

Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Mika 2:13

“Leza alacingula inzila nu kuyatungulula ukufuma mu uzya. Yene yalapangula impongolo zya musumba nga yafume antungwa. Umwene wao aliwe alayatungulula pa kufuma, Yawe aliwe alayakolelela.”

Mpendwa 7:15

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

Luka 13:32

Yesu nawe ayanena ati, “Pitini mukanene nkusa wiyo muti, ‘Nkufumya mipasi yankota nu kupozya alwale ilelo na mutondo na pa wanda walenga yatatu ndamalila kuomba.’

Luka 2:14

“Ululumbi kuli Leza mwiyulu papelapela, nu mutende pali yano Leza akuzangilamo.”

Luka 24:26

Uzye citalondekwanga ukuti Katuula uwalavilwe acule mu vintu vii nga alino aingile mu lulumbi lwakwe?”

Luka 24:46

Alino ayanena ati, “Calembwa ukuti, Katuula uwalavilwe alinzile kucula. Na pa wanda wakulenga yatatu alazyukuka kufuma ku afwe,

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Yoane 19:30

Lelo lino Yesu wafyompako, avwanga ati, “Casila!” Alino ainama nga afwa.

Milimo 3:15

Mwakomile Umwene wino akapeela umi, lelo Leza wamuzyukwile kufuma ku afwe, nga naswe sweswe yakambone pali cii.

Milimo 5:31

Lelo leza wazyukwile Yesu alino amwika kwi kasa lyakwe lilunji, ukuya intunguluzi na katuula, kuti apeele aina Izlaeli longo lwakuzenzuka nu kwelelwa maifyo yao.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 9:23

Leza wacita cii pa kulanga lulumbi lwakwe lukulu kunotuli, swe muno watuyela mizu nu kutusolola kuti tukume ku lulumbi lwakwe lukulu,

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

1 Kolinto 8:6

lelo swemo twakwata Leza wenga sile. Wene ali Tata nga aliwe kwene ali kaumba wa vintu vyonsi, nupya swemo tukamutumikila. Yesu Klistu sile ali Mwene witu. Vintu vyonsi vyaumvilwe na aliwe, nga munoli swemo twapelwa umi.

2 Kolinto 3:18

Caleka mausyu itu yatavimbwa. Yakalanga kuyengesa kwa lulumbi lwa Mwene akatulenga kukolana nawe ndi vino cinso ca muntu cikaloleka mwi galasi. Mwene ali Mupasi akatusenula kuti tukolane nawe nu kuya nawe mu lulumbi.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

2 Kolinto 5:18

Leza aliwe uwacita vii vyonsi. Wene watumile Klistu kupanga mutende pakasi kakwe Leza naswe, nupya watupela mulimo uwa kupanga mutende pakasi kakwe umwisikulu na antu.

2 Kolinto 6:18

nu kuya So. Namwe mulaya ana yane aonsi na yakaci, avino Mwene wa maka yonsi walanda.”

Galatiya 3:26

Mwensi kwene mwemwe ana yakwe Leza pa kutaila muli Klistu Yesu.

Efeso 2:7

Wene wacisile cii kuti mu myaka ikwiza alange ukama wa cikuku cakwe uiyele uno waya mu kutemwa kuno watulanga muli Klistu Yesu.

Efeso 3:10

Lyene Leza angaomvya iuvi kuti lilange maka ni ntunguluzi zya mwiyulu ukuti Leza wakwata mano aingi aiyele.

Kolose 3:4

Umi winu uwa cumi a Klistu nga lino alaloleka, lyene namwe kwene mulaloleka pamwi nawe nu ku kumako kululumbi lwakwe!

2 Timoti 2:10

Acino nemo nkaposya muli vyonsi pamulandu wa antu asololwe yakwe Leza. Nemo nkacita cii kuti nao kwene Klistu Yesu ayatuule nu kupokelela lulumbi lwa manda pe.

Ayebulai 12:2

Lekini twike manso pali Yesu, wino utailo witu wimililapo kufuma kukutandika kufika nu ku mpela. Wene atanenwike pamulandu wa mfwa ya pa lupanda! Wene atelenginye cimwi pa kuzewana kwa mfwa ya pa lupanda, pamulandu wa luzango luno lwali nkolelo. Ndakai atenzi kwi kasa lilunji lya cilimba cakwe Leza.

Ayebulai 6:20

Yesu watukolelela kwingila, nupya wene ali Simapepo Mukulu manda pe mu mwata wa usimapepo wakwe Mekisedeki.

Ayebulai 7:26

Lyene Yesu ali Simapepo Mukulu wino akafikilizya vilondwa vitu. Wene uwa muzilo. Wene atakwata mulandu, munoli mutaya ui. Wene wapatulwa kuli yakaifya, nupya wasendwa kwiyulu kupeelapela.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

1 Petulo 5:1

Mwe ikolo ya mauvi, nkumulembela kuti imukomelezye. Nani kwene nene wikolo wi uvi, nupya nene kambone wa kucula kwakwe Klistu. Nemo nkupaalila kukumako ku lulumbi lwakwe luno lulasokololwa. Nkumupapata

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.