Ayebulai 13:6 - Amazwi Yakwe Leza 2013

⁶ Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”

Ayebulai 13:6 Iomraidhean Croise

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

1 Yamwene 17:8

Nupya Yawe anena Eliya ati,

Masamu 124:8

Uwazwilizyo witu waya ukwi zina lyakwe Yawe, wiyo uwacisile iyulu ni nsi.

Masamu 146:3

Mutataila muli yakateeka, umu mwana wa muntu atange amupususye.

Masamu 27:9

Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!

Masamu 33:20

Utailo witu waya muli Yawe. Wene ali kazwa witu na kacingilila witu.

Masamu 40:17

We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.

Masamu 54:4

Nemo nimanya ndi vino Leza ali kazwa wane, nu kuti Umwene aliwe ali kapokela wane na katasya wane!

Masamu 56:4

We Leza, nemo awewe sile wenga nataila, nkataizye nu ulayo wako. Awewe sile nataila, ni ntete nemo nsikuvwanga nanti panono. Fwandi icani cino umuntu silesile angancita?

Masamu 63:7

Pano wewe uli kazwa wane insita yonsi, nkukwimbila umu cisao ca maapa yako.

Masamu 94:17

Umwene akana ukungazwa, ngano napita mpiti uku nsi imyalale.

Kufuma 18:4

Nupya wavwanzile ati, “Leza wakwe tata awino wangazwilizye nupya uwa ntuuzile ku lupanga lwakwe Falao.” Caleka atemela umwana wakwe ciili izina ati a Elieza.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Loma 8:31

Uzye tumati uli pa vintu vii? Ndi Leza ali naswe, aweni amatucimvya?

Efeso 3:12

Muli Klistu nu mu utailo witu munoli akatupeela kuposya nga nu kuntatwisika, pakuti tungiza kuli Leza nu kupama.

Malango 33:26

Ala Mwe ina Izlaeli, mwe, kutaya Leza nanti wenga uwakolana na Leza winu, wino akapita mu lulumbi acilinganya iyulu, ala akupuzinkanya mu makumbi ku kwiza azwilizya mwemwe.

Malango 33:29

Icumi mwe ina Izlaeli, mwemwe alongo! Kutatala kwaya yamwi akoline namwe, uluko luno Yawe watuula. Yawe umwisikulu ali cisyangu nu lupanga lwinu, ulwakumucingilila nu kumupeela ucimvyo. Anisi inu yaliza kunomuli nu kupapata kuti muyalolele uluse, lelo mwemo mulayalyatola pansi.

Ayebulai 10:19

Inane, swemo lyene tukweti untungwa umalilike uwakwingila mu Ncende Yamuzilo Kuluta, pano Yesu watufwilile.

Ayebulai 4:16

Lyene lekini tutaile nu kupalamila ku cilimba ca wene cakwe Leza, kuno kuli cikuku. Tulapokelela mizu nu kuzana cikuku cakutwazwa lino twalonda kwazwiwa.

1 Samueli 23:17

“Utuvwa intete. Tata Saulo atalacita cimwi iciipe kunuli. Wene amanyile ningo ukuti wemo ulaya umwene wa ina Izlaeli nu kuti nene ndaya wakwe ciili kunuli.”