Ayebulai 13:21 - Amazwi Yakwe Leza 2013

²¹ Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Ayebulai 13:21 Iomraidhean Croise

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

Masamu 138:8

Awewe we Yawe ulamalila umulimo wane onsi ndi muno walaila. Uluse lwako ulwa pe na pee. Utatazyela umulimo uno we mweneco watandike!

Mateo 12:50

Pano wino wensi akacita kulonda kwakwe Tata uwa mwiyulu, wene ali mwina wane, na kaci wane na mayo.”

Mateo 21:31

Uzye pali yaa yaili, aweni wacisile cino isi walondanga?” Nao yaasuka yati, “A silenzi wa muze.” Yesu nawe ayanena ati, “Cumi namunena vino yakasonkesya nga na yacizelele yalamukolelela kwingila mu Wene wakwe Leza.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Mateo 6:13

Utaleka tuponele mukweziwa kukome lelo ututuule ku Mwipe wilya.’

Mateo 7:21

“Asi muntu wensi akangama ati, ‘Mwene, Mwene’ alingila mu Wene wa mwiyulu, suka sile yao akacita kulonda kwakwe Tata uwa mwiyulu.

Yoane 17:23

Nemo nao tuye wenga, nga wewe nani tuye wenga, kuti yaye afumaluke muli uwenga. Na kuti antu amu nsi yamanye vino wewe wantumile nga nu kuti wayatemwa ndi vino nani wantemwa.

Yoane 7:17

Wino wensi akasi kucita kulonda kwakwe Leza wene angamanya ndi cakuti vino nkusambilizya vyafuma kuli Leza nanti nkuvwanga sile vyakwane.

Loma 11:36

Pano vintu vyonsi vyaumvilwe na aliwe, nupya vintu vyonsi vyacisilwe pamulandu na aliwe, lulumbi luye kunoli manda pe. Ameni.

Loma 16:27

Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.

2 Kolinto 9:8

Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.

Galatiya 1:5

Lulumbi luye kuli Leza manda pe! Ameni.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 2:11

Vyonsi vilazumilizya paswe ukuti Yesu Klistu Umwene, alino vilalumbanya Leza Tata.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Filipi 4:13

Klistu wampeela maka akulungatana ni miyele ili yonsi.

Filipi 4:18

Napokelela vyonsi, ndakai ntuulilwa. Nupya napokelela mawila yano Epaflodito wandetile kufuma kunomuli. Yene yakoline wa mununko usuma uwa wila uno wapelwa kuli Leza, impolelwa ino yapokelelwa na Leza nupya iya kumuzanzya.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Kolose 3:20

Mwe ana, namwe umulimo winu kuyela akwasi inu lyonsi, pano cii cikazanzya Leza.

Kolose 4:12

Epafula cilundwa cuze ca mwi umba linu, nupya muomvi wakwe Klistu Yesu, nawe kwene wamulamuka. Wene akamupepela lyonsi na maka, ala akulenga Leza kuti aleke muye akomeleke wa ina Klistu atumpuluke nupya afumaluke mukuyela kulonda kwakwe Leza.

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

1 Tesalonika 4:3

Leza akulonda kuti muye amuzilo nupya antungwa cuze kufuma ku ulongozyo.

1 Tesalonika 5:23

Leza wino akapeela mutende, amucite kuya amuzilo umu nzila zyonsi. Nupya aliwe asunge myenzo inu, mipasi nga ni mili inu, kuti muce muye antungwa ku ndema zyonsi pa kwiza kwa Mwene witu Yesu Klistu.

2 Tesalonika 2:17

alukutukomelezya nu kutupela maka akucita nu kulanda visuma lyonsi.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

2 Timoti 4:18

Mwene alankulula ku viipe vyonsi nga nu kunsenda mu Wene wakwe uwa mwiyulu. Aliwe kwene apelwe lulumbi manda pe! Ameni.

Ayebulai 10:36

Mulinzile kuteeka myenzo, kuti mucite kulonda kwakwe Leza nu kupokelela cino walaya.

Ayebulai 12:23

Mwati mwiza ku ukongano wa luzango wa ana mayeli yakwe Leza yano mazina yao yalembwa mwiyulu. Mwati mwiza kuli Leza kapingula wa antu onsi, nu ku mipasi ya antu asuma yano Leza walula kuya afumaluke.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Ayebulai 13:16

Mwaiusya kucita visuma nu kwazwana pano vintu vii vikoline wa mpolelwa zino zikazanzya Leza.

1 Petulo 2:5

Wa mawe ya umi, lekini Leza amuomvye mu kukuula ng'anda ikulu yakwe. Mukwene amuno mulatumikila wakwe yasimapepo amuzilo mukupeela impolelwa zyamuzilo izingazumiliziwa kuli Leza muli Yesu Klistu.

1 Petulo 4:2

Kufuma ndakai lino mucili muno nsi mulinzile kuleka umi winu watungululwa nu kulonda kwakwe Leza. Mutaleka vilondwa vya untunze vyamutungulula.

2 Petulo 3:18

Lelo mwemo mutwalilile kukula mu cikuku nga nu mukumanya Yesu Klistu, Mwene witu nupya Katuula witu. Kunoli kuye lulumbi, ilelo na manda pe! Ameni.

1 Yoane 2:17

Caleka insi ii ya pansi ikupita, pamwi nu lunkumbwa ululi mwenemo. Lelo umuntu wino akacita kulonda kwakwe Leza akaikalilila manda pe.

1 Yoane 3:22

Wene akatupeela cili consi cino tukalenga, pano tukayela masunde yakwe nu kucita vintu vino vikamuzanzya.

Yuda 1:25

Kuli Leza wiyo wenga sile Katuula witu, muli Yesu Klistu Mwene witu kunoli kuye ululumbi, ukulu, maka nu wangalizi, kufuma ku katalili, ilelo na manda pe. Ameni.

Umbwilo 4:6

Nupya inkolelo ya cilimba ca wene pali cimwi calolekanga wakwe yemba musenguluke wi galasi lyakwe kulustele. Kuzinguluka cilimba ca wene kwali viumbwa vyaumi vini, nupya vyali na manso ingi nkolelo ni cisila caviko.

Umbwilo 5:13

Alino nuvwa ciumbwa consi ca mwiyulu, pano pansi, pansi ya nsi, muli yemba ni vya uumbo vyonsi vikwimba viti, “Wino uwikala pa cilimba ca wene pamwi nu Mwana wa mfwele yene yalumbanyiziwe, yapelwe mucinzi, lulumbi nu ulamba manda pe!”

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.